Ըղձական Եղանակ

Ըղձական ապառնին ցույց է տալիս կատարելի գործողության իղձ, ցանկություն։

• Ե խոնարհման բայերի ըղձական ապառնին կազմվում է անորոշ դերբային -եմ, -ես, -ի, -ենք, -եք, -են վերջավորություններ ավելացնելով։

Եզակի երրորդ դեմքում Ե խոնարհիչը հնչյունափոխվում է Ի-ի։

• Ա խոնարհման բայերի ըղձական ապառնին կազմվում է անորոշ դերբային -ամ, -աս, -ա, -անք, -աք, -ան վերջավորություններ ավելացնելով։

Օրինակ՝

• Նրանք հասան իրանց մուրազին, դուք էլ հասնեք ձեր մուրազին։
• Գերեզմանըս անհայտ լինի,

Վերաս քամին շառաչե,
Վերաս խաչ, քար թող չըլինի,
Մենակ ուռին հառաչե... (Ավետիք Իսահակյան)

• Ա՜խ, և այս հոծ

Մութ-մըռայլից, երանի,
Հառներ հոգիս կըրակ ու բոց,
Զըվարթ հոգիս երբեմնի։ (Հովհաննես Թումանյան)

Ըղձական անցյալը ցույց է տալիս անցյալում կատարելի իղձ, ցանկություն։

• Ե խոնարհման բայերի ըղձական անցյալը կազմվում է անորոշ դերբայի հիմքին ավելացնելով -եի, -եիր, -եր, -եինք, -եիք, -եին վերջավորությունները։
• Ա խոնահման բայերի ըղձական անցյալը կազմվում է անորոշի հիմքին ավելացնելով -այի, -այիր, -ար, -այինք, -այիք, -ային վերջավորությունները։

Օրինակ՝

• Երնեկ դըրա ոտը կոտրեր՝ Չըգար հաներ մեզ մեր տանից։ (Հովհաննես Թումանյան)

• Բայի եղանակ
• Սահմանական եղանակ
• Պայմանական եղանակ
• Հարկադրական եղանակ
• Հրամայական եղանակ