Էդվին Լաչենս (Sir Edwin Landseer Lutyens, մարտի 29, 1869(1869-03-29), Լոնդոն, Մեծ Բրիտանիայի և Իռլանդիայի միացյալ թագավորություն - հունվարի 1, 1944(1944-01-01), Լոնդոն, Միացյալ Թագավորություն), անգլիական նորդասական (նեոկլասիկ) ճարտարապետության խոշորագույն ներկայացուցիչներից։ 1938 թ-ից գլխավորել է Լոնդոնի թագավորական գեղարվեստական ակադեմիան։ Նա դեռևս 1890 թվականից հայտնի էր դարձել՝ նախագծելով նորդասական ոճի անգլիական մերձքաղաքային դաստակերտներ՝ այգիներով։ Նրա ճարտարապետական կարիերայի գագաթնակետն է համարվում Հնդկաստանի փոխարքայի (ներկայումս՝ Հնդկաստանի նախագահի) նստավայրի նախագծումն ու դրա իրականացումը Դելիում։
Էդվին Լաչենս | |
---|---|
Ծնվել է | մարտի 29, 1869[…] |
Ծննդավայր | Լոնդոն, Մեծ Բրիտանիայի և Իռլանդիայի միացյալ թագավորություն |
Մահացել է | հունվարի 1, 1944[…] (74 տարեկան) |
Վախճանի վայր | Լոնդոն, Միացյալ Թագավորություն |
Կրթություն | Արվեստի արքայական քոլեջ |
Ուշագրավ աշխատանքներ | Cheylesmore Memorial?, St Jude's Church, Hampstead Garden Suburb?, the Cenotaph?, Thiepval Memorial?, Liverpool Metropolitan Cathedral?, Tower Hill Memorial?, Gledstone Hall?, Hampton Court Bridge?, Patiala House?, Lindisfarne Castle?, Embassy of the United Kingdom, Washington, D.C.?, India Gate?, Abbey House, Barrow-in-Furness?, 100 King Street?, Ednaston Manor?, Runnymede Bridge?, Goddards?, Greywalls?, Hyderabad House?, Յոհաննեսբուրգի պատկերասրահ, Rashtrapati Bhavan?, Castle Drogo?, Canberra House?, Queen Mary's Dolls' House? և Spalding War Memorial? |
Պարգևներ | |
Edwin Lutyens Վիքիպահեստում |
Առաջին համաշխարհային պատերազմից հետո Լաչենսը փաստացի դարձել է Բրիտանական թագավորական ընտանիքի գլխավոր ճարտարապետը։ Ուսումնասիրողներից շատերը գտնում են, որ նա կարողացել է ճարտարապետական ավանդական ոճերը վառ երևակայությամբ ու վարպետորեն հարմարեցնել իր դարաշրջանի պահանջներին։ Նախագծել է բազմաթիվ պալատներ, հանրահայտ ձեռնարկությունների ու կազմակերպությունների գրասենյակային շենքեր, հուշակոթողներ, հանրային կառույցներ, տիպային բնակելիներ։ Գրող Քրիստոֆեր Հասսին նրա կենսագրությանը նվիրված գրքում ընդգծել է. "Լաչենսը դեռ իր կենդանության օրոք լայնորեն համբավվել է որպես անգլիացի մեծագույն ճարտարապետը՝ սկսած Քրիստոֆեր Ռենի ժամանակներից, շատերի կարծիքով՝ մինչև անգամ գերազանցել է նաև Ռենին։ Ճարտարապետության պատմաբան Գևին Սթամփը Լաչենսին բնորոշել է որպես 20-րդ դարի (և ցանկացած այլ դարի) բրիտանացի մեծագույն ճարտարապետի։
Լաչենսը էական դեր է կատարել Հնդկաստանի կառավարության ապագա նստավայրի՝ Նյու Դելի քաղաքի հատակագծի պատրաստման աշխատանքներում։ Ի ճանաչումն նրա ներդրած ավանդի՝ Նյու Դելին հաճախ անվանվում է Լաչենսի Դելի։ Համագործակցելով սըր Հերբերտ Բեյքերի հետ՝ նա նաև մի շարք կառույցներ է նախագծել Նյու Դելիում, այդ թվում՝ Հնդկաստանի դարպասը, փոխարքայի նստավայրն ու պալատը, որը ներկայումս հայտնի է Ռաշտրապատի Բհավան (Rashtrapati Bhavan) անվանումով։ Իր շատ աշխատանքներում Լաչենսը, ներշնչված հնդկական ավանդական ճարտարապետության կոթողներով, կիրառել է դրանց բնորոշ տարրեր։
Նախորդող: Sir William Llewellyn | President of the Royal Academy 1938–1944 | Հաջորդող: Alfred Munnings |
Նախորդող: Sir Malcolm Fraser, 1st Baronet | Registrar of the Imperial Society of Knights Bachelor 1941–1944 | Հաջորդող: Sir Thomas Lumley-Smith |
Վիքիպահեստն ունի նյութեր, որոնք վերաբերում են «Էդվին Լաչենս» հոդվածին։ |
This article uses material from the Wikipedia Հայերեն article Էդվին Լաչենս, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.