Դունկան Լոուրենս
Դունկան դե Մուր (հոլ.՝ Duncan De Moor), ինչպես նաև հայտնի որպես Դունկան Լոուրենս (անգլ.՝ Duncan Laurence, ապրիլի 11, 1994(1994-04-11), Սպեյկենիսե, Հարավային Հոլանդիա, Նիդերլանդներ), հոլանդացի փոփ երգիչ, Իսրայելի մայրաքաղաք Թել Ավիվում անցկացվող Եվրատեսիլ 2019 երգի մրցույթի հաղթող։ Մրցույթում հաղթել է՝ կատարելով «Arcade» երգը։
| Դունկան Լոուրենս | |
|---|---|
.jpg) | |
| Ի ծնե անուն | հոլ.՝ Duncan de Moor |
| Նաև հայտնի է որպես | Duncan Laurence |
| Ծնվել է | ապրիլի 11, 1994 (30 տարեկան) Սպեյկենիսե, Հարավային Հոլանդիա, Նիդերլանդներ |
| Երկիր |  Նիդերլանդների Թագավորություն |
| Ժանրեր | փոփ |
| Մասնագիտություն | երգիչ, երաժիշտ և հեղինակ-կատարող |
| Գործիքներ | վոկալ և դաշնամուր |
| Լեյբլ | Universal Music Group |
| Պարգևներ | |
| Կայք | duncanlaurence.nl |
 Duncan Laurence Վիքիպահեստում | |
Կենսագրություն
2012 թվականին հաղթել է Բրիլե քաղաքում անցկացվող տաղանդների քաղաքային մրցույթում։ Հաղթանակից մեկ տարի անց՝ 2013 թվականին, հիմնել է սեփական խումբը՝ «The Slick and Suited»-ը։ Խմբի հետ միասին նա սկսեց իր երաժշտական կարիերան Թիլբուրգում գտնվող Ռոք ակադեմիայում և 2013 թվականին ելույթ ունեցավ Գրոնինգենի «Eurosonic Noorderslag» փառատոնում։ Ելույթներով հանդես է եկել նաև ակադեմիայի մի քանի այլ կոլեկտիվների հետ։ Ակադեմիան ավարտել է 2017 թվականին։ Դունկանը Իլզե դե Լանգեի ղեկավարությամբ մասնակցել է «The Voice of Holland» երաժշտական մրցույթի հինգերորդ սեզոնին։ 2018 թվականին Ջիհադ Ռահմունիի հետ միասին գրեց «Closer» երգը, որը նախատեսված էր կորեական «Dong Bang Shin Ki» խմբի «New Chapter #1: The Chance of Love» ալբոմի համար։
Եվրատեսիլ 2019
2019 թվականի մայիսի 19-ին հաղթել է Իսրայելի մայրաքաղաք Թել Ավիվում անցկացվող Եվրատեսիլ երգի մրցույթում՝ ստանալով ընդհանուր առմամբ 498 միավոր։ Քվեարկությանը մասնակցել են 41 երկրի միջազգային ժյուրիները և հանրությունը, ինչի արդյունքում ժյուրիները Դունկանին տվել են 237, իսկ հանրությունը՝ 261 միավոր։ Նրա միավորները երկրորդ հորիզոնականում հայտնված Իտալիայի ներկայացուցչի միավորներից 27-ով ավելին են եղել։
Անձնական կյանք
Եվրատեսիլ 2019 երգի մրցույթի նախօրեին տեղի ունեցած մամլո ասուլիսի ժամանակ Դունկանը հանդես է եկել այսպիսի հայտարարությամբ. «Ես ավելին եմ, քան ուղղակի արտիստը. ես անհատականություն եմ, ես կենդանի արարած եմ, ես բիսեքսուալ եմ, ես երաժիշտ եմ։ Ես հպարտ եմ, որ հնարավորություն ունեմ ի ցույց դնելու, թե ով եմ և ինչպիսին եմ ես»: Սակայն երգիչն իր պրոդյուսերներին խստիվ արգելել է խոսել թեմայի մասին։ Նա նշել է, որ այս մասին բացահայտ կխոսի մրցույթի ավարտից հետո։
Տես նաև
Ծանոթագրություններ
 | Վիքիպահեստն ունի նյութեր, որոնք վերաբերում են «Դունկան Լոուրենս» հոդվածին։ |
This article uses material from the Wikipedia Հայերեն article Դունկան Լոուրենս, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.