Ամառային Օլիմպիական խաղեր 1964, պաշտոնապես նաև անվանում են XVIII ամառային օլիմպիական խաղեր, տասնութերորդ Ամառային օլիմպիական խաղերը, որը բազմասպորտային ամենամեծ իրադարձությունն է և տեղի է ունենում չորս տարին մեկ անգամ։ Խաղերը տեղի են ունեցել 1964 թվականի հոկտեմբերի 10-ից 24-ը Տոկիոյում, Ճապոնիա։ Տոկիոն ընտրվել էր 1940 թվականի Ամառային օլիմպիական խաղերի ընդունող քաղաք, սակայն այն տեղափոխվեց Հելսինկի, քանի որ Ճապոնիան ներխուժել էր Չինաստան, չնայած հետագայում խաղերը չեղարկվեցին Երկրորդ համաշխարհային պատերազմի պատճառով։
Ամառային օլիմպիական խաղեր 1964 | |
---|---|
Տեսակ | Ամառային օլիմպիական խաղեր |
Հյուրընկալող քաղաք | Տոկիո Ճապոնիա |
Երկիր | Ճապոնիա |
Բացում | հոկտեմբերի 10, 1964 |
Ջահակիր | Յոշինորի Սակայ |
Երդվեց | Տակաշի Օնո |
Բացեց | Հիրոհիտո |
Փակում | հոկտեմբերի 24, 1964 |
Մարզադաշտ | Ազգային օլիմպիական մարզադաշտ (Տոկիո) և Տոկիո |
Կազմակերպիչ | Organizing Committee for the Games of the XVIII Olympiad? |
Մարզիկներ | Gainan Saidkhuzhin? |
Նախորդ | Ամառային Օլիմպիական խաղեր 1960 |
Հաջորդ | Ամառային Օլիմպիական խաղեր 1968 |
Կայք | olympics.com/en/olympic-games/tokyo-1964(անգլ.) |
1964 Summer Olympics Վիքիպահեստում |
1964 թվականի Ամառային օլիմպիական խաղերը առաջինն էին Ասիայում։ Տոկիոն ընտրվել էր որպես Օլիմպիական խաղերի ընդունող քաղաք ՄՕԿ-ի 55-րդ նստաշրջանում, որը տեղի էր ունեցել Արևմտյան Գերմանիայում 1959 թվականի մայիսի 26-ին։
Այս խաղերի ժամանակ առաջին անգամ կիրառվեց մրցույթների ուղիղ ցուցադրումը այլ երկրներում, մինչ այդ խաղերը ցուցադրվում էին ձայնագրություններով։ Սա նաև առաջին օլիմպիական խաղերն էր, որի հեռարձակումը մասնակիորեն կատարվում էր գունավոր։ Ճապոնիայում մեծ ժողովրդականություն վայելող սումոյի և ձյուդոյի մրցույթները ցուցադրվեցին Տոշիբայի նոր գունավոր հեռարձակման համակարգով, սակայն միայն ներքին շուկայում։ 1965 թվականին Կոն Իչիկավայի կողմից նկարահանվել է վավերագրական կինոնկար նվիրված Տոկիոյի օլիմպիական խաղերին։
Խաղերը անցկացվեցին հոկտեմբերի կեսերին, հաշվի առնելով քաղաքի ամառային տապեը և սեպտեմբերյան թայֆունների ժամանակաշրջանը։ Նախորդ խաղերը կայացան Հռոմում 1960 թվականին և սկսվեցին օգոստոսի վերջերին, երբ չափազանց շոգ էր։ Մյուս խաղերը կայացան 1968 թվականին Մեխիկոյում և նույնպես սկսվեցին հոկտեմբերին։
1964 թվականի խաղերի լավագույն տաս երկները մեդալային հաշվարկում հետևյալն են`
Դիրք | Երկիր | Ոսկի | Արծաթ | Բրոնզ | Ընդամենը |
---|---|---|---|---|---|
1 | ԱՄՆ | 36 | 26 | 28 | 90 |
2 | ԽՍՀՄ | 30 | 31 | 35 | 96 |
3 | Ճապոնիա (ընդունող երկիր) | 16 | 5 | 8 | 29 |
4 | Գերմանիա | 10 | 22 | 18 | 50 |
5 | Իտալիա | 10 | 10 | 7 | 27 |
6 | Հունգարիա | 10 | 7 | 5 | 22 |
7 | Լեհաստան | 7 | 6 | 10 | 23 |
8 | Ավստրալիա | 6 | 2 | 10 | 18 |
9 | Չեխոսլովակիա | 5 | 6 | 3 | 14 |
10 | Միացյալ Թագավորություն | 4 | 12 | 2 | 18 |
Հաշվարկում առաջնությունը տրված է սկզբում ոսկե մեդալների քանակին, այնուհետև արծաթե մեդալների քանակին, իսկ վերջում բրոնզե մեդալների քանակին։
This article uses material from the Wikipedia Հայերեն article Ամառային օլիմպիական խաղեր 1964, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.