1964 Он Токиогийн Олимп
Зуны олимпын XVIII наадам буюу Токиогийн олимп (Англи: XVIII Olympic Summer Games) нь 1964 оны 10 сарын 10-наас 10 сарын 24-нд Японы Токио хотноо зохион байгуулагдсан зуны олимп юм.
| Зуны олимпын XVIII наадам XVIII Olympic Winter Games | |
| Зохиогдсон хот |  Япон, Токио |
|---|---|
| Оролцсон улс | 93 |
| Оролцогчдын тоо | 5151 |
| Зохиогдсон спортын тэмцээнүүд | 19 спорт, 163 цогц медаль |
| Нээлтийн ёслол | 1964 оны 10 сарын 10 |
| Хаалтын ёслол | 1964 оны 10 сарын 24 |
| Наадмыг нээгч | Эзэн Хаан Шоова |
| Тамирчдын тангараг | Оно Такаши |
| Бамбар асаагч | Сакаи Ёшинори |
| Төв цэнгэлдэх хүрээлэн | Олимпийн цэнгэлдэх хүрээлэн |
Токио хот нь 1940 оны зуны олимпыг зохион байгуулах эрхийг авсан ч Япон улс Хятадад халдан довтолсны улмаас Хельсинки хотод эрхийг нь шилжүүлсэн ч Дэлхийн хоёрдугаар дайны улмаас уг олимп зохиогдож чадаагүй билээ. Ийнхүү 1964 онд Ази тивд анх удаа олимпын наадам зохиогдсон нь энэ юм. Апартеидийг өөгшүүлж байсан Өмнөд Африк улсыг уг олимпод оролцохыг нь хориглосон.
Зуны олимпын XVIII наадам 1964 оны 10-р сарын 10-наас 10-р сарын 24 хүртэл Японы Токио хотноо зохион байгуулагджээ. Ази тивийн хотод зохион байгуулагдсан анхны олимп байсан бөгөөд манай монголчуудын хувьд ч хамгийн анхны олимпдоо оролцсон нь байсан юм. “ТОКИО 1964”-д манай улс спортын таван төрөлд эрэгтэй 17, эмэгтэй 4 нийт 21 тамирчны бүрэлдэхүүнтэй оролцож байсан.
Нийт 93 улсын 5151 тамирчин оролцож байсан 1964 оны олимпын нээлтийн үгийг эзэн хаан Шоова хэлж, бамбарыг нь японы тамирчин Сакаи Ёшинори асааж байв.
Зохион байгуулах хотыг сонгосон нь
1959 оны 5 сарын 26-нд Баруун Германы Мюнхен хотод болсон ОУОХ-ны 55-р чуулганаар болсон санал хураалтаар Токио хот Детройт, Брюссель, Вена хотуудыг ялж, зуны олимпын XVIII наадмыг зохион явуулах эрхтэй болсон.
ОУОХ-ны санал хураалтуудын үр дүнг харуулсан вэб хуудсаас доорх дүнг авав.
| 1964 оны зуны олимпыг зохион байгуулах хотыг сонгох санал хураалтын дүн | ||||||
|---|---|---|---|---|---|---|
| Хот | Улс | 1-р шат | ||||
| Токио | Япон | 34 | ||||
| Детройт |  Америкийн Нэгдсэн Улс | 10 | ||||
| Вена |  Австри | 9 | ||||
| Брюссель |  Бельги | 5 | ||||
Медалийн хүснэгт
Медалийн чанараар тэргүүлсэн 10 улсыг доорх хүснэгтэд жагсаав:
| Байр | Улс | Алт | Мөнгө | Хүрэл | Нийт |
|---|---|---|---|---|---|
| 1 | Америкийн Нэгдсэн Улс | 36 | 26 | 28 | 90 |
| 2 |  ЗХУ | 30 | 31 | 35 | 96 |
| 3 | Япон (зохион байгуулагч орон) | 16 | 5 | 8 | 29 |
| 4 | .svg) Герман | 10 | 22 | 18 | 50 |
| 5 |  Итали | 10 | 10 | 7 | 27 |
| 6 |  Унгар | 10 | 7 | 5 | 22 |
| 7 |  Польш | 7 | 6 | 10 | 23 |
| 8 |  Австрали | 6 | 2 | 10 | 18 |
| 9 |  Чехословак | 5 | 6 | 3 | 14 |
| 10 |  Их Британи | 4 | 12 | 2 | 18 |
Монгол улс Токиогийн олимпод
Монгол улс зуны олимпод анх удаагаа оролцсон нь 1964 оны Токиогийн олимп байлаа. Спортын чөлөөт бөх, буудлага, дугуй, гимнастик, хөнгөн атлетик зэрэг 5 төрөлд нийт 21 тамирчин оролцсон түүхтэй.
Багийн ахлагчаар Биеийн тамир, спортын эвлэлийн төв зөвлөлийн тэргүүлэгч гишүүн Бадамтарын Балдоо, тугчаар хөнгөн атлетикийн дасгалжуулагч “Чемпион” хэмээх Чүлтэмийн Найдан нар оролцсон байна.
Нийт 93 орон оролцсоноос 13 орон анх удаагаа олимпод хөл тавьсны дотор Монгол Улс байлаа.
Манай тамирчдаас хамгийн дээд амжилтыг чөлөөт бөхийн төрөлд Жигжидийн Мөнхбат 78 кг-ын жинд үзүүлж, долдугаар байр эзэлсэн бол Чимэдбазарын Дамдиншарав 52 кг-ын жинд есдүгээр байр тус тус эзэлсэн юм.
Эшлэл
This article uses material from the Wikipedia Монгол article Токиогийн олимп (1964 он), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.