Мюнхен (Герман: München, Австро-Бавари: Minga) нь Германы Бавари мужийн нийслэл юм.
Баварийн Альпийн хойд талд, Исар голын эрэгт орших тус хот нь Германдаа Берлин, Хамбургийн дараа гуравт, герман хэлтэй улсуудад дөрөвдүгээрт, Европын Холбоонд 12-рт орох том хот болно. Хотын захиргаанаас гаргасан хязгаарлалтын улмаас 1.5 сая хүн л тус хотод оршин суудаг ба Мюнхэн хотын дагуул дүүргүүдийг оролцуулаад 2,9 сая орчим хүн амта ажээ. Мөн Аугсбург, Инголштадт, Розенхайм, Ландсхут зэрэг хотуудыг оролцуулаад, Мюнхений метрополитанд 5,7 сая гаруй хүн амьдардаг.
Мюнхен | |
---|---|
Улс | Герман |
Муж | Бавари |
Захиргааны дүүрэг | Дээд Бавари |
Тойрог | Хотын тойрог |
Анх дурдагдсан | 1158 |
Хуваалт | 25 дүүрэг |
Засаг захиргаа | |
• Хотын дарга (2020–26) | Дитер Райтер (СДН) |
• Эрх баригч намууд | Ногоонууд / СДН |
Газар нутаг | |
• Хот | 310.71 км2 (119.97 миль2) |
Өндөр | 520 м (1,710 фут) |
Хүн ам (2022-12-31) | |
• Хот | 1,512,491 |
• Нягтрал | 4,900/км2 (13,000/миль2) |
• Хотын нутаг | 2,606,021 |
• Бөөгнөрөл | 5,991,144 |
Цагийн бүс | UTC+01:00 (ТЕЦ) |
• Зун (ЗЦ) | UTC+02:00 (ТЕЗЦ) |
Шуудангийн код | 80331–81929 |
Залгах код | 089 |
Улсын дугаар | M, MUC |
Вэб сайт | stadt.muenchen.de |
Мюнхен хот нь эдийн засгийн хувьд маш хурдацтай өсч буй Европын хотуудын нэг бөгөөд Allianz, BMW, Linde, Munich Re, Siemens зэрэг томоохон компаниудын төв оффисууд энд байдаг. Mercer компанийн 2014 онд дэлхийн 50 том хотын дунд гаргасан судалгаагаар дэд бүтцээр хоёрдугаарт, амьдралын чанарын индексээр дөрөвдүгээрт орсон байна. Мюнхэн гэх нэр нь анх 1158 онд албан ёсоор бий болсон байна. 1255 онд Баварийн Ханхүүгийн оршин суудаг хот, 1328-1347 онд хааны оршин суудаг хот байсан бөгөөд 1506 онд Бавари мужийн нийслэлээр нэрлэгджээ. Тус хот нь улсын болон олон улсын байгууллагууд, нэртэй их дээд сургуулиуд, чухал музей театрууд, үзэсгэлэн яармагууд, спортын уралдаан тэмцээнүүд, олон улсын томоохон хурал зөвлөгөөн зохион байгуулагддаг бөгөөд Oktoberfest болон олон төрлийн үзэх газруудаараа жуулчидыг татдаг байна.
1972 оны зуны олимп зохион байгуулж байсан Мюнхен 2018 оны өвлийн олимпийг зохион байгуулахаар нэрээ дэвшүүлж байжээ.
Хотын уриа "München mag Dich" (Мюнхен чамд дуртай). 2006 оныг хүртэл "Weltstadt mit Herz" (Зүрх сэтгэлтэй космополитан хот) гэсэн уриатай байв. Хотын нэр Мюнхен München нь Хуучин Герман хэлний "лам нар" гэсэн утгатай Mönche хэмээх үгнээс гаралтай бөгөөд тус хотыг байгуулсан Бенедиктиний ордерын лам нараас улбаатай аж. Иймээс ч тус хотын сүлдэнд ламын зураг байдаг билээ. Хар, алтлаг өнгүүд нь Ариун Ромын Эзэнт Гүрний өнгө байсан бөгөөд Баварийн Людвигийн үеэс хотын өнгө болон дээдлэгдэх болсон байна.
Сарын дундаж температур болон хур тунадасны хэмжээ: Мюнхен
Эх сурвалж: DWD, Daten: 1971–2000; wetterkontor.de, Daten: überwiegend 1961–1990 |
Wiktionary: Мюнхен – Энэ үгийг тайлбар толиос харна уу |
This article uses material from the Wikipedia Монгол article Мюнхен, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.