Одхүүгийн Дөлгөөн: Монгол жүжигчин
Одхүүгийн Дөлгөөн нь (1991 оны 6 сарын 5-нд Улаанбаатар хотод төрсөн) Монголын эмэгтэй жүжигчин.
Түүний карьер жүжигчний мэргэжлээр суралцаж байх үедээ эхэлсэн бөгөөд, 2011 онд “Амьдралд тавтай морил” нэртэй Монголын телевизийн олон ангит кинонд гол дүрийг бүтээснээр олонд танигджээ.
| Дөлгөөн | |
| Хувийн танилцуулга | |
|---|---|
| Овог нэр | Одхүүгийн Дөлгөөн |
| Төрсөн өдөр | 1991 оны 6 сарын 5 |
| Төрсөн газар | Улаанбаатар |
| Яс үндэс |  Монгол Улс |
| Ажил үйл |
|
| Жүжигчний танилцуулга | |
| Танил үе | 2011 оноос |
| Театр | Улсын Драмын Эрдмийн Театр (2015–2017) |
| Сургууль |
|
Өмнөх амьдрал
Дөлгөөн нь 1991 оны 6 сарын 5-нд Улаанбаатар хотод төрж өссөн бөгөөд 3 хүүхэдтэй айлын дундах нь юм. Тэрээр 2008 онд Улаанбаатар хотын Чингэлтэй дүүргийн ерөнхий боловсролын 5-р сургуульд суралцаж төгссөн. Жүжигчин болох нь түүний багын мөрөөдөл байсан бөгөөд ахлах сургуулийнх нь хажууд түүний суралцахыг хүссэн урлагийн их сургууль байрладаг байжээ.
Боловсрол
Ахлах сургуулиа төгссөний дараагаар 2008-2012 оны хооронд Монгол Улсын Соёл Урлагийн Их Сургуулийн Кино Драмын ангид Жүжигчний мэргэжлээр суралцаж бакалаврын зэрэгтэй төгссөн. Үргэлжлүүлэн 2017-2019 оны хооронд Калифорни мужийн Сан-Франциско хотын Урлагийн Академийн Их Сургуульд Жүжигчин болон Кино зохиолчоор мастерын зэргийг хамгаалжээ.
Карьер
2011-Карьерын эхлэл
Дөлгөөн мэргэжлийн карьераа жүжигчний мэргэжлээр суралцаж байх хугацаандаа эхлүүлсэн бөгөөд 2011 онд Хайрын эрэлд, Амьдралд тавтай морил гэх зэрэг Монголын телевизийн олон ангит кинонуудад гол дүр болон туслах дүрүүдийг бүтээгээд байв. Мөн 2011 оноос эхлэн Мөрөөдлийн театрт жүжигчнээр ажиллаж байсан байна.
2012-2016
Театр
Тэрээр 2012 онд их сургуулиа төгссөний дараагаар Мөрөөдлийн театртаа үргэжлүүлэн жүжигчнээр ажиллажээ. 2 жил гаруйн хугацаанд ажилласны дараагаар Монгол улсын Драмын Эрдмийн Театрт жүжигчнээр ажиллах саналыг тухайн театрын ерөнхий найруулагч Н. Наранбаатар тавьснаар түүний драмын урлагийн замнал эхэлсэн юм.
Дөлгөөн тус театрт ажиллаж байх хугацаандаа 2015 онд Уильям Шекспирийн зохиол “Ромео ба Жульетта” жүжгийн Жульеттагийн дүрд, “Гамлет” зохиолын жүжгийн Офелиагийн дүрд тус тус тоглож байжээ. Түүний хувьд 24 насандаа “Ромео ба Жульетта” нэрт зохиолын жүжигт тоглосон нь Монгол Улсдаа Жульеттагийн дүрийг бүтээсэн хамгийн залуу жүжигчин болж тэмдэглэгдэж байв.
Кино
Дөлгөөн драмын урлагт ажиллахын хажуугаар кино урлагийн салбарт олон бүтээл дээр ажиллажээ. Түүний тоглосон онцлох уран бүтээлүүдээс:
2011 онд Wizard продакшны бүтээл “Нэг хоёрын гурваа” Монголын уран сайхны киноны Маралын дүрийг бүтээсэн нь түүний анхны бүрэн хэмжээний киноны гол дүр болж байв.
2013-2015 оны хооронд Ю Фильмийн бүтээл "Ганц бие бүсгүйчүүд" Монголын уран сайхны киноны нэг, хоёрдугаар ангийн Гэрэлцэцэгийн дүрийг бүтээсэн ба кино гарсан даруйдаа Монгол Улсад маш олон үзэгчдэд хүрч, түүний карьерт өндрөөр нөлөөлжээ.
Цаашлаад 2015 онд Фантастик продакшны бүтээл “Маш нууц” түүхэн, тулаант Монголын уран сайхны киноны Сийлэгмаагийн дүрийг бүтээжээ. Тус кино 2015 оны 9 сарын 18-нд дэлгэцэд нээлтээ хийснээс хойш 7 хоногийн хугацаанд ашиг орлогоороо тэргүүлж байсан юм.
Мөн 2016 онд Монгол ТВ телевизийн шинэ жилийн хөтөлбөрт зориулан хийгдсэн “Гацуурхан” инээдмийн Монголын уран сайхны киноны гол дүр Солонгын дүрийг бүтээжээ.
2017-2019
Дөлгөөн 2017 онд мэргэжлээ дээшлүүлэхээр Калифорни муж улсын Сан-Франциско хотын Урлагийн Академийн Их Сургуульд жүжигчин болон кино зохиолчоор магистрт суралцаж эхэлсэн. Тэрбээр суралцаж байх хугацаандаа зуны амралтаараа Монголд ирж 2017 онд гарсан "Ганц бие бүсгүйчүүд" киноныхоо гуравдугаар ангид, мөн 2019 онд гарсан Хувьсал продакшны бүтээл “Тэнгэрээс буусан од” Монголын уран сайхны киноны гол дүр Одод оролцон тогложээ.
Тайз, дэлгэцийн бүтээл
Кино бүтээл
| Жил | Киноны нэр | Дүр | Кино компани, продакшн | Үүрэг | Ref. |
|---|---|---|---|---|---|
| 2007 | Хана | Энхжин | Face Studio | Туслах дүр | - |
| 2010 | Эзэнгүй бөгж | Халиунаа | Лоожик Фильм | Туслах дүр | |
| 2011 | Нэг хоёрын гурваа | Марал | Визард Продакшн | Анхны гол дүр | |
| 2013 | Ганц бие бүсгүйчүүд | Гэрэлцэцэг | Ю Фильм | Гол дүр | |
| 2014 | Сүүлчийн шөнө | Анирлан | Paramind Art, Tengri Concept | Гол дүр | |
| 2014 | Учрал | Намуун | Aurora Film Production | Гол дүр | |
| 2015 | Хамтран амьдрагч | Буянаа | Хүүк Фильм | Гол дүр | |
| 2015 | Маш нууц | Сийлэгмаа | Фантастик Продакшн | Гол дүр | |
| 2015 | Ганц бие бүсгүйчүүд - 2 | Гэрэлцэцэг | Ю Фильм | Гол дүр | |
| 2016 | Нүдээ аниад төсөөл | Нандиа | Expressive Line Production | Гол дүр | |
| 2017 | Гацуурхан | Солонго | Монгол ТВ | Гол дүр | |
| 2017 | Ганц бие бүсгүйчүүд - 3 | Гэрэлцэцэг | Ю Фильм | Гол дүр | |
| 2019 | Тэнгэрээс буцаасан од | Од | Хувьсал Продакшн | Гол дүр |
Телевизийн олон ангит кино
| Жил | Киноны нэр | Дүр | Сүлжээ | Үүрэг | Ref. |
|---|---|---|---|---|---|
| 2011 | Хайрын эрэлд | Солонго | Боловсрол Телевиз | Туслах дүр | |
| 2011 | Амьдралд тавтай морил | Золоо | Монголын Үндэсний Телевиз | Гол дүр |
Театрын жүжиг
| Жил | Киноны нэр | Дүр | Театр | Үүрэг | Ref. |
|---|---|---|---|---|---|
| 2011 | Миний нууц хүү | Энхжин | Мөрөөдлийн Театр | Гол дүр | - |
| 2012 | Хайртай бол эргэж хараарай | Сарантэргэл | Мөрөөдлийн Театр | Гол дүр | |
| 2012 | Амьдрал өөрөө бэлэг | Саруул | Мөрөөдлийн Театр | Гол дүр | |
| 2015 | Бүүвэй | Нандиа | Улсын Драмын Эрдмийн Театр | Гол дүр | |
| 2015 | Ромео ба Жульетта | Жульетта | Улсын Драмын Эрдмийн Театр | Гол дүр | |
| 2016 | Гамлет | Офелиа | Улсын Драмын Эрдмийн Театр | Гол дүр |
Шагнал
| Үйл ажиллагаа | Жил | Нэр дэвшсэн бүтээл | Шагнал | Үр дүн | Ref. |
|---|---|---|---|---|---|
| “Гэгээн Муза” 13 - Олон улсын театруудын наадам | 2015 | Ромео ба Жульетта | Шилдэг Эмэгтэй Гол Дүр | шагнагдсан |
Бусад шагналууд
- 2013 он - Шилдэг Ажилтан - Мөрөөдлийн Театр
- 2015 он - Ромео ба Жульетта жүжгийн Жульетта-гийн дүрээр "Шилдэг Дебют" шагнал - Улсын Драмын Эрдмийн Театр
- 2016 он - Тэргүүний Залуу Алтан Медаль - Монголын Залуучуудын Холбоо
- 2016 он - Хөдөлмөр, нийгмийн хамгаалалын "Жуух Бичиг" - Монголын улсын Хөдөлмөр, Нийгмийн Хамгаалалын Яам
- 2019 он - Монгол Улсын Соёлын Тэргүүний ажилтан - Монголын улсын Боловсрол, Соёл Урлагийн Яам
Эх сурвалжууд
This article uses material from the Wikipedia Монгол article Одхүүгийн Дөлгөөн, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.