UNESCO (jendźelsce United Nations Educational, Scientific and Cultural Organization, serbsce Kubłanska, wědomostna a kulturna organizacija Zjednoćenych narodow) je mjezynarodna organizacija a zdobom jedna wot 17 dźělnych organizacijow Zjednoćenych narodow (UN).
Ma swoje sydło we francoskej stolicy Parisu. Tuchwilu ma wona 195 čłonskich statow – nimo 193 njewotwisnych čłonow Zjenoćenych narodow z wuwzaćom Liechtensteina su to Cookowe kupy, Niue a Palestinske awtonomne teritorije. Zwjazkowa republika Němska je wot lěta 1951 z čłonom.
UNESCO je so dnja 16. nowembra 1945 wot 37 załoženskich statow w Londonje załožiła a spěchuje mjezynarodnje kubłanje, wědomosć a kulturu kaž tež komunikaciju a informaciju. Prěni generalny direktor bě Julian Huxley, tuchwilna direktorka je wot oktobra 2017 Francozowka Audrey Azoulay.
W preambli zrěčenja rěka: „Přetož nastawaja wójny w myslach ludźi, dyrbi so tež měr w myslach zakótwjeć.“
Jedne z najznaćišich skutkowanskich polow organizacije je škit a zarjadowanje kulturneho, přirodneho a imaterielneho herbstwa čłowjestwa. K tomu zaměrej hlada wona lisćinu swětoweho herbstwa.
This article uses material from the Wikipedia Hornjoserbsce article UNESCO, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.