Insekty abo překasancy (łaćonsce insecta) su na družiny najbohatša rjadownja čłonkonohačow (Arthropoda) a zdobom z absolutnej wjetšinu tež na družiny najbohatša rjadownja zwěrjatow scyła.
Dotal je so nimale milion insektowych družin wopisało, z čimž su wjace hač 60 procentow wopisanych zwěrinskich družin insekty. Wosebje w tropiskim dešćowym lěsu wočakuja slědźerjo pak hišće dalše miliony dotal njewopisanych družin. Najstarše fosile pochadźeja z Devonskeje doby a su 400 milionow lět stare. Najwjetša rjadownja insektow tworja bruki.
Słowo insekt pochadźa z łaćonskeho īnsectum, „zarěznjeny“ a poćahuje so na jasnje wot so dźělenych dźěle ćěła. Jedna so wo přełožk grjekskeho słowa éntomon ze samsnym woznamom, kotrež jewi so tež w pomjenowanju fachoweho wobłuka insektowědy, entomologije.
Wšě insekty maja eksoskelet (wonkowny skelet) ze sklerotina a chinina. Wjetšina z nich njese jeja.
This article uses material from the Wikipedia Hornjoserbsce article Insekty, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.