1945: Lěto

W Serbach

• 15. februara: Anglo-ameriski lětadłowy nadpad na Choćebuz.
• 16.–30. apryla: Bitwa wo Budyšin mjez sowjetskim a pólskim na jednym a němskim wójskom na tamnym boku. Přez zapalerstwo SS a bombowy nadpad zniči so stary Serbski dom při Lawskich hrjebjach.
• 10. meje: Znowazałoženje w lěće 1937 zakazaneje Domowiny w Chrósćicach.
• 25. meje: Pomjenowanje dr. Jana Cyža za krajneho radu Budyskeho wokrjesa.
• 24. julija: W Praze wotměje so wulkodemonstracija za swobodu Łužicy a prawa Serbow.
• 12. awgusta: Zhromadny koncert serbskeju chórow a chora Čerwjeneje armeje w Budyšinje.
• 03. oktobra: Serbscy studenća znowa nastupja studij w Praze, zdobom wobnowi so towarstwo Serbowka z předsydu Janom Donatom.
• 02. decembra: Załoženje serbskeho realneho gymnazija w Čěskej Lipje.

Druhdźe

• 18. januara: I. ukrainska fronta docpě pod rozkazowarjom maršalom Konjewom w běhu ofensiwy Wisła-Wódra něhdyšu pólsku stolicu Krakow.
• 19. januara: I. běłoruska fronta pod maršalom Žukowom wobsadźi druhe najwjetše pólske město Łódź.
• 27. januara: Wuswobodźenje koncentraciskeho a zaničowanskeho lěhwa Auschwitz přez čerwjenu armeju.
• 4.–11. februara: W Jalće na połkupje Krim wuradźuja wjednicy anti-Hitlerskeje koalicije – britiski premier Winston Churchill, US-ameriski prezident Franklin D. Roosevelt a sowjetski diktator Józef Stalin – wo rozdźělowanju Europy po dobyću nad Němskej kaž tež wo wójnje přećiwo Japanskemu kejžorstwu. Bě to druhe z třoch wjerškowych zetkanjow w běhu Druheje swětoweje wójny.
• 13. februara: Započatk anglo-ameriskich lětadłowych nadpadow přećiwo Drježdźanam.
• 08. meje: Bjezwuměnita kapitulacija němskeho wójska a wšěch dźělnych jednotkow.
• 06. awgusta: Prěnje mjetanje atomoweje bomby na japanske město Hirošima.
• 09. awgusta: Druhe mjetanje atomoweje bomby na Nagasaki.
• 16. nowembra: W Londonje załoži 37 statow organizaciju UNESCO.

• 09. januara: Lewon Ter-Petrosjan – prezident Armenskeje
• 10. januara: Rod Stewart – britiski spěwar
• 06. februara: Bob Marley – jamaiski reggaejowy hudźbnik († 1981)
• 12. februara: Thilo Sarrazin – němski politikar
• 19. februara: Thomas Brasch – němski awtor, dramatikar a lyrikar
• 23. februara: Georg Milbradt – němski politikar a ministerski prezident Sakskeje
• 09. měrca: Katja Ebstein – němska spěwarka a filmowa hrajerka
• 09. měrca: Robin Trower – britiski gitarist a rockowy hudźbnik
• 14. měrca: Herman van Veen – nižozemski spěwar, spisowaćel a spěwydźěłar
• 30. měrca: Eric Clapton – britiski rockowy a bluesowy gitarist
• 04. apryla: Daniel Cohn-Bendit – němski politikar a publicist
• 25. apryla: Björn Ulvaeus – šwedski spěwar, čłon skupiny ABBA
• 26. apryla: Winfried Glatzeder – němski filmowy hrajer a dźiwadźelnik
• 08. meje: Keith Jarrett – US-ameriski jazzowy pianist
• 09. meje: Jupp Heynckes – němski kopar a trenar
• 14. meje: Wladislaw Ardzinba – prěni prezident mjezynarodnje njepřipóznateje republiki Abchaziskeje († 2010)
• 19. meje: Pete Townshend – britiski rockowy hudźbnik skupiny The Who
• 31. meje: Rainer Werner Fassbinder – němski režiser, filmowy producent a jewišćowy awtor († 1982)
• 31. meje: Laurent Gbagbo – prezident Słonowinoweho pobrjoha
• 14. junija: Jörg Immendorf – němski moler a rězbar († 2007)
• 17. junija: Eddie Merckx – belgiski kolesowar
• 19. junija: Aung San Suu Kyi – burmaska politikarka
• 19. junija: Radovan Karadžić – bosnisko-serbski politikar a wójnski złóstnik
• 22. junija: Rainer Brüderle – němski politikar (FDP)
• 24. julija: Alfons Wićaz – serbski žurnalist
• 26. julija: Helen Mirren – britiska filmowa hrajerka
• 14. awgusta: Wim Wenders – němski režiser a fotograf
• 31. awgusta: Van Morrison – irski rockowy hudźbnik
• 11. septembra: Franz Beckenbauer – němski kopar a trenar († 2024)
• 02. oktobra: Don McLean – US-ameriski spěwar a komponist
• 27. oktobra: Luiz Inácio Lula da Silva – brazilski politikar a prezident
• 03. nowembra: Gerd Müller – němski kopar
• 11. nowembra: Daniel Ortega – nikaraguwaski politikar a prezident
• 12. nowembra: Neil Young – kanadiski rockowy hudźbnik
• 28. nowembra: Majka Kowarjec – serbska dźiwadźelnica
• 10. decembra: Marek Grechuta – pólski spěwytwórc
• 24. decembra: Lemmy Kilmister – britiski rockowy hudźbnik, załožer skupiny Motörhead († 2015)
• 28. decembra: Birendra – kral Nepala († 2001)

 

 

• 22. januara: Jan Skala – serbski nowinar, basnik, narodny prócowar a narodnostny politikar (* 1889)
• 13. februara: Pětr Kowar – serbski ludowy spisowaćel a moler (* 1875)
• 23. februara: Aleksej Tolstoj – ruski spisowaćel (* 1883)
• 27. februara: Jakub Korjeńk – serbski dźěłaćer, wopor nacionalsocializma (* 1884)
• 04. měrca: Jan Renč – serbski ewangelski farar (* 1884)
• 12. apryla: Franklin D. Roosevelt – 32. prezident Zjednoćenych statow (* 1882)
• 22. apryla: Jan Nalij – serbski pismikistajer a ludowy spisowaćel (* 1887)
• 30. apryla: Adolf Hitler – němski mócnarstwowy kancler a diktator (* 1889)
• 29. junija: Jurij Słodeńk – serbski wučer, hudźbnik, spisowaćel a narodny prócowar (* 1873)
• 02. julija: Romuald Domaška – serbski rjadny duchowny, spisowaćel a kulturny prócowar (* 1869)
• 26. septembra: Benjamin Běgaŕ – delnjoserbski farar (* 1873)
• 31. oktobra: Arnošt Ota Dučman – serbski nowinar (* 1896)
• 27. nowembra: Jurij Kral – serbski farar, słownikar a gramatikar (* 1864)
• 02. decembra: Jan Wilhelm Buk – sakski politikar, ministerski prezident (* 1869)
• dokładny datum njeznaty: Jurij Šewčik – serbski ratar a ludowy basnik (* 1903)
• dokładny datum njeznaty: Korla Gustaw Wowčerk – serbski knihićišćer a wuměłski nawoda spěwarskich towarstwow (* 1863)