Narodny Park Sakska Šwica: Narodny park w Sakskej
Narodny park Sakska Šwica je narodny park w Sakskej, kotryž załoži so 12.
septembra 1990. Park wopřija 93 km² a dwaj separatnej dźělej w Połobskich pěskowčinach: na zapadźe kónčinu mjez Wjelinom a Prossenom, na wuchodźe kónčinu mjez skaliznami Schrammsteine a němsko-čěskej hranicu. Wón je do štyrjoch škitnych conow rozdźěleny: jadroweje cony (Kernzone), přirodneje cony A (Naturzone A), přirodneje cony B (Naturzone B) a cony hladanja (Pflegezone). Mjezuje z narodnym parkom Čěska Šwica, tuž tworitej wobaj parkaj zwisowace mjezynarodne škitne pasmo. Krajina Sakskeje Šwicy je přez wjele pěskowcowych skaliznow charakterizowana.
Park je woblubowany turistiski cil, kotryž so wot 1,7 milionow hosći lětnje wopyta. W narodnym parku steji markěrowana syć pućow wot 400 km, mnohe hórske hosćency a syć kolesowarskich šćežkow wot 50 km k dispoziciji. Wobsteji w narodnym parku winowatosć chodźenja na pućach. W jadrowej conje smědźa so jenož markěrowane puće wužiwać, zwonka jadroweje cony wšitke puće.
Wotkazaj
Commons: Narodny park Sakska Šwica – Zběrka wobrazow, widejow a awdiodatajow- Webstrony narodneho parka (němsce/čěsce/jendźelsce)
This article uses material from the Wikipedia Hornjoserbsce article Narodny park Sakska Šwica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.