D UNESCO (änglisch United Nations Educational, Scientific and Cultural Organization), d Organisazion vo de Veräinte Nazione für Erziejig, Wüsseschaft und Kultur, isch en Internazionali Organisazion und gliichzitig äini vo de 17 rächtlig sälbstständige Sonderorganisazioone vo de Veräinte Nazioone.
Si het iire Sitz in Bariis z Frankriich.
Zur Zit si 195 Mitgliider in dr UNESCO verdräte und 9 assoziierti Mitgliider – näbe de 193 Staate vo dr UN mit Usnaam vo Liechtestäi au d Cookinsle, Niue und die Palestinensische Autonomiigebiet, wo nit in de UN verdräte si.
Zu de Ufgoobegebiet vo dr UNESCO ghöört d Förderig vo dr Erziejig, dr Wüsseschaft und dr Kultur, dr Kommunikazioon und dr Informazioon.
Dr UNESCO ire Gründigsverdraag isch am 16. Novämber 1945 vo 37 Staate z London underschriibe worde und isch am 4. Novämber 1946 noch dr Ratifikazion dur 20 Staate in Chraft dräte.
Dr erst Generaldiräkter isch dr Julian Huxley gsi.
Sid 2017 isch d Audrey Azoulay d Generaldiräktorin.
This article uses material from the Wikipedia Alemannisch article UNESCO, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.