Uss Maine

Pasou á historia porque a súa explosión no porto da Habana en febreiro do 1898 foi o detonante da guerra hispano-estadounidense.

USS Maine
Historial
Estaleiro	New York Naval Shipyard
Tipo	Acoirazado (ACR-1)
Operador	Armada dos Estados Unidos
Porto de rexistro	Key West (base naval)
Autorizado	3 de agosto de 1886
Posta en grella	17 de outubro de 1888
Botado	18 de novembro de 1889
Viaxe inaugural	29 de xullo de 1896
Baixa	Afundido o 15 de febreiro 1898
Características xerais
Desprazamento	6.682 t
Eslora	97 m
Manga	17,4 m
Calado	6,7 m
Armamento	. 4 canóns de 250 mm 6 canóns de 150 mm 7 canóns de 6 libras 8 canóns de 1 libra 4 tubos lance-torpedos de 350 mm
Propulsión	Dúas hélices a vapor
Velocidade	17 nós (31 km/h)
Tripulación	374 homes

A súa construción comezou no estaleiro naval de Nova York, o 17 de outubro de 1888 e non foi ata case sete anos despois en setembro de 1895, cando foi considerado apto para o servizo, operando nos anos precedentes na costa leste dos Estados Unidos e o mar Caribe.

En xaneiro de 1898 foi enviado á Habana para "protexer os intereses norteamericanos". Dúas semanas máis tarde, o 15 de febreiro, unha explosión ao redor das 21h40 voou a proa do barco, que se afundiu rapidamente, causando 266 vítimas. O capitán, Charles Dwight Sigsbee, e a oficialidade, que durmía no castelo de popa, sobreviviron.

A causa do afundimento do Maine aínda continúa sendo obxecto de especulacións. As especulacións inclúen desde un incendio non detectado nunha carboeira, imprudentemente localizada xunto aos pañois de munición, a unha mina naval e ao seu afundimento deliberado por algunhas das faccións interesadas; cubanos prol-españois, mariños españois, insurxentes cubanos ou mariños estadounidenses interesados en provocar o desencadeamento da guerra mediante unha operación de bandeira falsa.

Outros artigos

• Cruceiro Alfonso XII

Ligazóns externas

• A guerra Hispano-Estadounidense (en inglés)
• American Memory (en inglés)
• Recordando o Maine (en inglés)