Manuel Mur Oti, nado en Vigo o 25 de outubro de 1908 e finado en Madrid o 5 de agosto de 2003, foi un director de cine, guionista e escritor galego.
Biografía | |
---|---|
Nacemento | 25 de outubro de 1908 Vigo, España |
Morte | 5 de agosto de 2003 (94 anos) Madrid, España |
Datos persoais | |
País de nacionalidade | España |
Actividade | |
Ocupación | director de cinema , poeta , guionista |
Período de actividade | 1947 - |
Lingua | Lingua castelá |
Premios | |
Fillo de Manuel Mur, oficial de prisións con destino en Vigo. En 1921 viaxou a Cuba, onde estudou Dereito e Literatura e colaborou en publicacións culturais. Viaxou por Haití e os Estados Unidos. Publicou o seu primeiro poemario, Espirales con só dezasete anos, pero foi coñecido como autor de novelas e obras dramáticas; estreou na Habana a súa primeira comedia, La alegría del sitio en 1931 e despois La malcasada e El mayoral. Retornou en 1933 e comezou a escribir no periódico El Socialista. Na Guerra Civil loitou no exército republicano con Valentín González "El Campesino". Exiliouse en Francia e foi internado nun campo de concentración. Volveu a España e foi detido en Málaga. Cando saíu radicouse en Madrid. Escribiu a novela Destino negro, que foi finalista do Premio Nadal de 1948 e tamén guións cinematográficos. Impulsou, con Antonio del Amo, a creación da produtora Sagitario Films (1947), que financiou as tres primeiras películas de del Amo, todas escritas por Mur Oti. En 1949 dirixiu a súa primeira película, Un hombre va por el camino. En 1953 creou a produtora Celta Films.
Recibiu o Premio Goya de honra na VII edición dos Premios Goya (1992).
This article uses material from the Wikipedia Galego article Manuel Mur Oti, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.