Bob Woodward: Xornalista estadounidense

A súa fama chegou cando axudou a desvelar o escándalo Watergate, que derivou na dimisión do presidente Richard Nixon. Aínda que devandita tarefa foi realizada xunto con Carl Bernstein, ambos reporteiros de The Washington Post, Woodward tiña o contacto con "Gorxa Profunda".

Bob Woodward

Biografía
Nacemento	(en) Robert Upshur Woodward 26 de marzo de 1943 (81 anos) Geneva, Estados Unidos de América (pt)
Datos persoais
País de nacionalidade	Estados Unidos de América
Educación	Yale College (en) (–1965) Wheaton Warrenville South High School (en) Universidade George Washington (pt) Ezra Stiles College (en)
Actividade
Ocupación	escritor , xornalista
Empregador	The Washington Post
Membro de	Phi Gamma Delta (en)
Lingua	Lingua inglesa
Obra
Obras destacables (1974) All the President's Men (en)
Arquivos en	Centro Harry Ransom [ MS-04916]
Familia
Pai	Alfred E. Woodward (pt)
Premios (2012)  Elijah Parish Lovejoy Award (en) (2002)  Prémio Pulitzer de Reportagem Nacional (pt) (2001)  Walter Cronkite Award for Excellence in Journalism (en) (1986)  Worth Bingham Prize (en) (1973)  Prémio Pulitzer de Serviço Público (pt) (1972)  Worth Bingham Prize (en) (1972)  George Polk Award (en)
Páxina web	bobwoodward.com

Graduouse na universidade Yale en 1965 e serviu cinco anos como oficial de comunicacións na Mariña dos Estados Unidos, antes de comezar a traballar como xornalista no Montgomery County Sentinel, en Maryland. Alí estivo un ano de reporteiro antes de pasar ao The Washington Post.

No xornal tivo como director a Ben Bradlee, de quen recibiu as indicacións para tratar as revelacións de "Gorxa Profunda" sobre Richard Nixon; con elas armou unha serie de notas que desataron o maior escándalo do país, o Watergate, nome do edificio onde estaban as oficinas do Partido Demócrata, en que un grupo de espías colocou micrófonos o 28 de maio de 1972 e o 17 de xuño, en que foron capturados. A pesar de que cinco días despois o presidente saíu a negar que alguén da Casa Branca tivese relación co caso, Woodward e o seu colega Carl Bernstein investigaron o caso para The Washington Post. Nese diario publicaron o 1 de agosto de 1972 que os espías foran pagados con fondos do Comité para a Reelección do Presidente.

As notas xornalísticas ían por diante da investigación do Comité Ervin do Senado e desta forma o prestixio dos xornalistas creceu ata que as súas denuncias, xunto coa acción das institucións, terminaron de cercar o presidente e forzaron a súa renuncia en agosto de 1974. Polo Watergate, coescribiu dous libros; o primeiro foi adaptado ao cinema como Tódolos homes do presidente, con Robert Redford e Dustin Hoffman interpretando a Woodward e Bernstein.

Polas súas investigacións, Woodward e Bernstein recibiron o premio Pulitzer en 1973.

Logo de gañar o Pulitzer continuou como xornalista estrela do xornal e en 1982 chegou a ser director editorial adxunto de noticias de investigación. Dedicouse ademais a escribir, investigando sectores clave do poder e da cultura dos Estados Unidos: a Corte de Xustiza, a Casa Branca, Hollywood, Wall Street, a CIA e as guerras posteriores ao 11 de setembro. Revisitou o caso Watergate con dous libros máis contra 1999 e 2005, á morte de Nixon e trala confesión de "Garganta Profunda".

Woodward escribiu ou coescribiu trece libros que chegaron ao número un dos libros máis vendidos de non ficción nos Estados Unidos.

• All the President's Men (1974) sobre o escándalo Watergate; ISBN 0-671-21781-X, número do 25 aniversario (1999) ISBN 0-684-86355-3; escrito con Carl Bernstein
• The Final Days (1976) sobre a dimisión de Nixon ISBN 0-671-22298-8; escrito con Carl Bernstein
• The Brethren (1979) sobre a Corte Suprema nos anos de Warren E. Burger; ISBN 0-671-24110-9; escrito con Scott Armstrong
• Wired (1984) sobre a morte de John Belushi e a cultura das drogas en Hollywood ISBN 0-671-47320-4
• Veil: The Secret Wars of the CIA (1987) sobre as "guerra secretas da CIA durante a dirección de William J. Casey ISBN 0-671-60117-2
• The Commanders (1991) sobre o Pentágono, a primeira administración Bush e a guerra do Golfo ISBN 0-671-41367-8
• The Agenda (1994) sobre o primeiro mandato de Bill Clinton ISBN 0-7432-7407-5
• The Choice (1996) sobre a reelección de Bill Clinton ISBN 0-684-81308-4
• Shadow (1999) sobre o legado do Watergate e os escándalos que salpicaron as seguintes administracións presidenciais ISBN 0-684-85262-4
• Maestro (2000) sobre o xefe da Reserva Federal Alan Greenspan ISBN 0-7432-0412-3
• Bush at War (2002) sobre o camiño á guerra con Afganistán tralos atentados do 11 de setembro ISBN 0-7432-0473-5
• Plan of Attack (2004) sobre como e por que o presidente George W. Bush decidiu ir á guerra con Iraq ISBN 0-7432-5547-X
• The Secret Man (2005) sobre a revelación de Mark Felt, logo de máis de trinta anos, de que el era Gorxa Profunda. O libro foi escrito antes de que Felt o admitise, xa que estaba enfermo e Woodward esperaba que dun xeito ou outro, sairía á luz ISBN 0-7432-8715-0
• State of Denial: Bush at War, Part III (2006) sobre a administración Bush e a guerra en Iraq ISBN 0-7432-7223-4
• The War Within: A Secret White House History (2006–2008) (2008) ISBN 1-4165-5897-7
• Obama's Wars (2010) sobre o tratamento da administración Obama das guerras en Iraq e Afganistán ISBN 978-1439172490
• The Price of Politics (2012) sobre Barack Obama e os intentos do líderes republicano e demócrata no congreso para restaurar a economía estadounidense e mellorar as condicións fiscais do goberno federal ISBN 978-1451651119
• The Last of the President's Men (2015) sobre Alexander Butterfield, o axudante de Nixon que revelou as cintas secretas da Casa Branca que levaron á dimisión de Nixon ISBN 978-1501116445
• Fear: Trump in the White House (2018), ISBN 978-1471181306

Wiki Commons ten máis contidos multimedia na categoría:  Bob Woodward

Ligazóns externas

• Páxina persoal oficial
• Bob Woodward en The Washington Post