بۆب وودھۆرد: ڕۆژنامەنووسی ئەمریکی
بۆب وودھۆرد (لەدایکبووی ١٩٤٣) ڕۆژنامەنووسێکی ئەمریکییە و لە ساڵی ١٩٧١ەوە کار بۆ ڕۆژنامەی واشنتۆن پۆست دەکات.
بۆب زیاتر لە ھەر شتێک بەناوبانگە بۆ ڕاپۆرتەکانی لەسەر «ئابڕووچوونی واتەرگەیت» کە بە ھاوکاری لەگەڵ کارڵ بارنستەین وایان کرد ڕیچارد نیکسن وەک یەکەم سەرۆکی ئەمریکا لە ساڵی ١٩٧٤ دەست لەکاربکێشێتەوە. جین ڕۆبێرت کە سەرنووسەرێکی پێشووی ڕۆژنامەی نویۆرک تایمزە لە بەرزنرخاندنی کارەکەی بۆب وودھۆرد و کارڵ بارنستەین گووتی «ئەگەری ھەیە کارەکەیان گەورەترین ڕاپۆرتی مێژوو بێت». ھەر سەبارەت بە بۆب وودھۆرد ڕۆژنامەنووسی ناسراوی کەناڵی CBS News بۆب شیفەر دەڵێت «بۆب باشترین پەیامنێری سەردەمی ئێمەیە وە ڕەنگە باشترین پەیامنێری مێژوو بێت» وە ساڵی ٢٠١٤ ڕۆبێرت گەیتس کە پۆستی بەڕێوبەری گشتی CIA و دواتریش پۆستی وەزیری بەرگری ئەمریکای ھەبووە گووتی «خۆزگە دەخوازم بۆبم ببردایەتە ناو CIA یەوە». لەسەر کارکردنیان لە «ئابڕووچوونی واتەرگەیت» بۆب و کارڵ کتێبێکییان بڵاوکردەوە لە ساڵی ١٩٧٤ بەناوی All the President's Men کە بوو بە پڕفرۆشترین کتێبی ئەمریکا لەو ساڵەدا و دوای ٢ ساڵیش کرا بە فیلم. کتێبەکە لەلایەن گۆڤاری تایم دانراوە لە لیستی ١٠٠ باشترین ئەو کتێبانەی کە چیرۆک نین و گۆڤارەکە کتێبەکەی ناوھێناوە بە کاریگەرترین کاری ڕۆژنامەوانی مێژوو. بۆب بەژداری لە نووسینی ١٩ کتێب کردووە بە تەنھایی یان لەگەڵ نووسەرانی دیکە و ١٣ لەو کتێبانە لە پلەی یەکەم ھاتوون بۆ فرۆشتنیان لەسەر ئاستی ئەمریکادا.
بۆب وودھۆرد | |
|---|---|
 بۆب وودھۆرد لە ساڵی ٢٠١٦ | |
| لەدایکبوون | ڕۆبێرت ئەپشەر وودھۆرد ٢٦ی ئازاری ١٩٤٣ جنێف، ئیلنۆی، ئەمریکا |
| پەروەردە | بەکالۆریۆس لە بەشی ھونەری زانکۆی یەیڵ |
| پیشە | ڕۆژنامەنووس |
| ناسراوە بە | ڕاپۆرتکردنی لەسەر ئابڕووچوونی واتەرگەیت |
Notable credit(s) | واشنتۆن پۆست |
| ھاوسەر | کاسلین میدلکۆف (١٩٦٦-١٩٦٩) فرانسیس کوپەر (١٩٧٤-١٩٧٩) ئێلسا وۆڵش (١٩٨٩-تا ئێستا) |
| مناڵ(ەکان) | ٢ |
| باوان |
|
| وێبگە | bobwoodward |
سەرچاوەکان
بەستەرە دەرەکییەکان
| کۆمنزی ویکیمیدیا، میدیای پەیوەندیدار بە بۆب وودھۆرد تێدایە. |
This article uses material from the Wikipedia Soranî / کوردی article بۆب وودھۆرد, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.