Geschicht
D'Geschicht ass de Studium, d'Relatioun an d'Interpretatioun vun der Vergaangenheet.
Den Numm huet als Urspronk dem Herodot seng Enquêten, Historiai op Griichesch awer et ass den Thukydides, dee fir d'éischt "wëssenschaftlech" Methoden an der Historiographie benotzt huet.
"Geschicht" bezeechent all d'Perioden, déi eis iwwer schrëftlech Spuere bekannt sinn, déi Periode, fir déi mir keng schrëftlech Quellen hunn, sinn d'Virgeschicht oder d'Protogeschicht.
Geschicht als Wëssenschaft
Liest dozou den Artikel Historiographie.
Hëllefswëssenschaften
D'Veraussetzunge ginn erfuerscht
- Historesch Geographie, d'Léier vum Raum
- Chronologie, d'Léier vun der Zäit
- Genealogie, d'Erfuerschung vun der Famill oder Ofstamung
D'Quelle ginn erfuerscht
- Allgemeng Quellefuerschung, d'Léier vun de Quellen iwwerhaapt
- Dokumentefuerschung oder Diplomatik
- Actefuerschung, d'Léier vun de Schrëftstécker
- Paleographie, d'Léier vun de schrëftgeschichtleche Formen
- Heraldik, d'Léier vun de Wopen
- Woperecht
- Numismatik, d'Léier vun de Mënzen, inkl. hir Geschicht (histoire de la monnaie)
- Mënzerecht
- Sphragistik oder Sigillographie, d'Léier vun de Sigelen
- Sigelrecht
- Epigraphie, d'Léier vun den Inskriptiounen
Nopeschwëssenschaften
- Archeologie
- Anthropologie, d'Léier vum Mënsch
- Ethnologie, d'Léier vun de Vëlker
- Historiographie, d'Erfuersche vun der Geschichtsschreiwung oder "Geschicht vun der Geschicht"
Geschicht no Perioden
D'Haaptperioden no deene mir d'Geschicht ënnerdeele sinn:
- d'Virgeschicht,
- d'Protogeschicht,
- d'Antiquitéit,
- d'Mëttelalter,
- d'Modern an
- d'Neizäit.
Bei der Modern an der Neizäit hänkt et vum Land af. Dës Terminologie ass vum franséischen iwwerholl (époque moderne, époque contemporaine), am däitschen ass et genee ëmgedréint (Neuzeit, Moderne respektiv Zeitgeschichte).
Aner Andeelungen
Geschicht kann och geographesch agedeelt ginn: amerikanesch, asiatesch, ... Geschicht.
Geschicht ënnerdeelen hëlleft zwar, sech e Repère ze schafen, fir sech z'orientéieren, allerdéngs sinn och Schwieregkeeten domat verbonnen: Wou hält wat fir en Zäitalter op? Ass de Kolumbus oder de Gutenberg wichteg fir d'japanesch Geschichtsschreiwung? Wéini fänkt Zäitgeschicht un? Mat den "Zäitzeien", déi eis zur Verfügung stinn? All Andeelung a Perioden ass ëmmer diskutabel, an ass natierlech länner- oder regiounspezifesch.
Um Spaweck
| Commons: Geschicht – Biller, Videoen oder Audiodateien |
This article uses material from the Wikipedia Lëtzebuergesch article Geschicht, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.