Dublin (irski Baile Átha Cliath; pó słowje: „Město pśi tramowem broźe“) jo stolica a nejwětše město Irskeje.
Namaka se pśi irskem pódzajtšnem brjogu, blisko wulewa rěki Liffey do Dublińskego zalewa, a ma 506.000 wobydlarjow, toś źewjeśina irskego wobydlaŕstwa. Šołta jo Gerry Breen (Fine Gael).
Prědne historiske naspomnjenje ako keltiske sedlišćo Eblana jo było južo w lěśe 140 w spisach Ptolomeja. 842 su Wikingi załožyli pódla stareje jsy jich swójsku wjasku pód mjenim Dubh linn („Carne bagno“). Wót lěta 1170 stej byłej Irska a jeje stolica pód engelskem kněstwom.
W lěśe 1916 su Dublinjarje rebelěrowali z Jatšownym zběžkom pśeśiwo Englandarjam. 1919 jo był irski sejm - Dáil Éireann – wót irskich zapósłańcow załožony. Slědowałej stej Irska wójna wó njewótwisnosći a wobydlaŕska wójna. Wót 1922 jo był Dublin nachylnje głowne město lichotnego stata Irska (až do lěta 1937), a pón stolica Irskeje.
This article uses material from the Wikipedia Dolnoserbski article Dublin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wopśimjeśe stoj pód CC BY-SA 4.0 k dispoziciji, jolic njejo se hynac pódało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Dolnoserbski (DUHOCTRUNGQUOC.VN) is an independent company and has no affiliation with Wiki Foundation.