Wylem Bjero: Dolnoserbski casnikaŕ, ceptaŕ, spisowaśel a pśełožowaŕ

4. septembera 1902 w Drjejcach, wum. 26. awgusta 1988 w Chóśebuzu) - dolnoserbski casnikaŕ, ceptaŕ, spisowaśel a pśełožowaŕ.

Źěłał jo ako źěłaśeŕ w rězaku, pśi zeleznicy, na lětanišću, ako knigływjednik, nakupowaŕ a pśedawaŕ a ako gmejnski pśistajony. Wón jo był wušej dwaźasća lět wucabnik w šuli w Kuparskich Borkowach.

Wot lěta 1958 až do 1977 wón jo był ako redaktor zagronity za Serbsku Pratyju. Bjero jo pisał nastawki a wulicowańka za Nowy Casnik, Pratyju, Płomje a dolnoserbske radijo. W 1959 jo dostał cesne znamuško Domowiny. W lěśe 1977 jo wótejšeł na wuměńk. Wón jo był slědny redaktor Nowego Casnika, za kótaregož jo dolnoserbska rěc była mamina.

Wón jo był teke dłujkolětny (1952-1987) pśedsedaŕ Zjadnośeństwa serbskich rybarjow.

Publikacije

1958: Mjazka a druge wulicowanka z Dolneje Łužyce, Budyšyn
1959: Wjaska pod golu. Wulicowańko z našogo casa, Budyšyn
1973: Surowa štrofa. Humor Dolnych Serbow, zestajałej Wylem Bjero a Monika Pawlowa, Budyšyn
1977: Na Kałpjeńcu. Wuběrk źełow, Budyšyn
1984: Surowa štrofa. Humor Dolnych Serbow, zestajałej Wylem Bjero a Monika Pawlowa, Budyšyn (druge wudaśe)
2002: Žaba na kokulce. Dopomnjeńki, wopiski a anekdoty, Budyšyn

Pśełožki do dolnoserbšćiny

1957: Měto Nowak-Njechorński, Kołowokoło Błotow. Zběrka wubranych reportažow
1963: Cyril Kola, Roža
1963: Jurij Koch, Žydowka Ana
1963: Jurij Krawža, Modre listy
1974: Gerat Hantška, Bogumił Šwjela. Wobraz žiwjenja a skutkowanja, Budyšyn
1977: Wilhelm Szewczyk, Wjacor z Minu Witkojc
1978: Mrokawa běłych pjerkow. Zběrka wulicowańkow (Wylem Bjero gromaźe z Erwinom Hanušom)
1978: Měto Nowak-Njechorński, Mejstaŕ Krabat dušny serbski guslowaŕ. Wulicowańko
1981: Pawoł Nedo, Mocny knecht
1982: Kito Lorenc, Wjelk a liška pśijaśela
1983: Angela Stachowa, Gole a wužowy kral. Serbska bajka
1983: Jurij Koch, Rědne źowćo
1984: Jurij Krawža, Peter z łucywowego grodu. Serbska bajka
1985: Gerat Hantška, Naše korjenje. K stawiznam a kulturje Dolneje Łužyce. Publicistika 1954-1983
1985: Jurij Koch, Jagaŕ Bagola
1986: Jurij Koch, Dwanasćo bratšow
1986: Hańža Bjeńšowa, Brodak Kosmodej
1988: Kito Lorenc, Złośane jabłuko
1989: Beno Budar, Rědne a grozne źowćo

Žrědła

Literatura

Fryco Libo, Dosłowo, (in:) Wylem Bjero, Na Kałpjeńcu. Wuběrk źełow, Ludowe nakładnistwo Domowina, Budyšyn 1977, 167-176.

Wótkaze

(nim.) Wilhelm Bähro

This article uses material from the Wikipedia Dolnoserbski article Wylem Bjero, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wopśimjeśe stoj pód CC BY-SA 4.0 k dispoziciji, jolic njejo se hynac pódało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Dolnoserbski (DUHOCTRUNGQUOC.VN) is an independent company and has no affiliation with Wiki Foundation.