Даблин

Обывательство централного ядра 554 554 особ, самого города — 1 173 179, въедно з подгородами — 1 347 359, а цѣлой агломерации Векшый Даблин — 1 904 806 особ (2016). 68,2% даблинцьох суть католици, 15% суть имигрантского походжѣня. Меджи имигрантами найвекшу групу чинять Поляци (33 751, 2016), што чинить 28% од вшиткых Полякох в державѣ.

Даблин е економичным центром державы. Главны конарѣ: машинарство (електротехничне, радиоелектронне, выроба апаратуры, приборох), выроба тракторох, лодярство (продукция и оправа), металообробка, текстилный и одежный промысел, потравинарство, пивоварѣня.

По року 1990 дасть ся видѣти спад участкы традичных конарьох и наростаня новых, звязаных зоз компютерныма и веб-технологиями од ведучых свѣтовых значок ( Microsoft, Google, Amazon, eBay, PayPal, Yahoo!, Facebook, Twitter, Accenture и Pfizer теперь мають ту свои европскы централы), так же о Даблину остатньо говорять, як о технологичном центрѣ Европы.

 

 

Лежить в устю рѣкы Лиффи при заливѣ Даблин Ирского моря. Важный транспортный узел, найвекшый морскый пристав державы, з внуторныма ей частями звязаный желѣзницьов и водныма сплавныма каналами Роял и Гранд.

Даблинске летиско окрем локалных линий реализуе далекы леты до США, Канады, на Близкый Выход и далекый (Гонгконг). В року 2017 было на 11 мѣстѣ в Европской Унии подля затяжѣня, и найзатяжене на островѣ Ирландия.

Внутрогородскый транспорт: автобус, трамвай. Од року 2009 фунгуе система позычаня бицикльох, котра уже покрывать около 10% траспортных потреб города. Участникы системы можуть купити позычалну картку цѣлорочну або лем на три днѣ а в року 2018 уже были 66 тысячи цѣлорочных хосновачох.

• Юлиян Рамач и др. (2010). Ґеоґрафски назви (по русинскы). Српско-русински речник. Нови Сад: Катедра за русински jезик и књижевност. pp. том ІІ, с. 978. ISBN 86-80271-3-9. 
• Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. ISBN 5-85270-057-6
• Dublin geographical name (по англицкы) (audi). Merriam-Webster. https://www.merriam-webster.com/dictionary/Dublin. [перевірено 2019-12-01]. 
• Census of Population 2016 (PDF). Profile 1 – Geographical distribution. Central Statistics Office. 6 April 2017. p. 15. Retrieved 6 April 2017. Table 2.2 Population of urban areas, 2011 and 2016 [.. 2016 [..] Dublin city & suburbs [..] 1,173,179]
• Polish – CSO – Central Statistics Office (по англицкы). https://www.cso.ie/en/releasesandpublications/ep/p-cpnin/cpnin/polish/. [перевірено 2019-12-02]. 
• Dublin Economic Monitor, issue II (по англицкы) (Issuu). October 2017. https://issuu.com/256media/docs/dublineconomicmonitor_oct2017?e=16581915/54602478. [перевірено 2019-12-02].