Nieuw-Zêeland
Nieuw-Zêeland is e land in de Stillen Oceoan, te zuudôostn van Australië.
’t Bestoat uut twêe grôte eilandn en e hêeln oop klêne eilandjes. Stoatsoofd is Charles III van 't Verênigd Keuninkryk, want Nieuw-Zêeland makt dêel uut van ’t Gemênebest. ’n Oofdstad is Wellington.
34°-47° ZB, 166°-178° O
De noame komt va Zêeland, e provinsje in Olland. ’n Êestn Europeoan die Nieuw-Zêeland zag, wos een Ollander: Abel Tasman (van zyn achternoame komt Tasmanië, da juste ounder Australie ligt). De populaire toeristische bestemminge Abel Tasman National Park in 't nôordn van 't Zud-Eiland in Nieuw-Zêeland, is ôok nor em vernoemd.
Bevolkienge
D’ôorsprounkelikke inweuners van ’t land zyn Maori, die doar – volgens istorici - in de vroege Middelêeuwn natoe gekommn zyn vanut Polynesië. Zider noemn under land Aotearoa, da betjekent Land van de lange witte wolke. Vanof de joarn 1700 kwaamn d’r mêer e mêer Europeoanders. Nu zyn d’r nog om en by de 500.000 Maori. Van de 4 miljoen Nieuw-Zêelanders is 75% van Europeesche afkomste. 10% is Maori. Under toale is nog oltid een officiële toale in Nieuw-Zêeland mor Iengels is wel overool de voertoale.
Economie
’t Bekendste exportproduct van Nieuw-Zêeland is de kiwi. E groene, rounde vruchte die vele vitamienn bevat. Vodder van de reste voern ze ôok vele vlêes, vis en out uut. De latste joarn komt Nieuw-Zêeland ôok styf bekend voe ze wyn.
Sport
De populairstn sport is rugby. De All Blacks, de nationaaln rugbyploeg, is weireldberoemd. Vôorn iedern match doen ze e dans (de haka, in de tradiesje van de Maori) om de tegenstanders te verschrikkn.
 | Ofbeeldiengn die ier by passn ku je vien in de categorie New Zealand van Wiki Commons. |
| Landn in Oceanië |
|---|
| Australië • Fiji • Indonesië • Kiribati • Marshalleilandn • Micronesia • Nauru • Nieuw-Zêeland • Ôost-Timor • Palau • Papoea-Nieuw-Guinea • Salomoneilandn • Samoa • Tonga • Tuvalu • Vanuatu Andere gebiedn: Etnologische indêlienge: |
This article uses material from the Wikipedia West-Vlams article Nieuw-Zêeland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.