De Keltische toaln vormn de westelikke tak van de Indo-Europese toaln.
Olle Keltische toaln stammn of van een gemêenschappelikke vôorloper, 't Proto-Keltisch. Binst 't twidde en êeste millennium vô Christus, ot de Keltische beschoavienge up zyn hoogtepunt stound, wierdn Keltische toaln over praktisch hêel Europa gesprookn.
In d' 21e êeuwe wordt Keltisch ollêne moa gesprookn up de Britse eilandn en in Bretagne.
De Keltische toaln kunn up twêe maniern upgedêeld wordn. Êen maniere verdêelt 't Keltisch in P-Keltisch en Q-Keltisch. Die ounderverdêlienge is gebasèrd up d'evoluusje van de Proto-Keltische letter *kw, die *p wierd in de P-Keltische toaln en *k in de Q-Keltische toaln. Volgens die indêlienge zyn 't Gallisch en Brythonisch P-Keltische toaln, en 't Keltiberisch en Goidelisch Q-Keltische toaln.
D'andere klasseermaniere, die tegenwôordig 't mêeste gebruukt wordt, makt een indêlienge tusschn Eiland-Keltisch en Vasteland-Keltisch. 't Gallisch en 't Keltiberisch zyn Vasteland-Keltisch, binst dan Goidelisch en Brythonisch de Eiland-Keltische toaln zyn.
An 't begin van d'êenentwientigst' êeuwe zyn der nog vier leevnde Keltische toaln gesprookn: Bretoens in Bretagne, Iers in Ierland, Welsh in Wales en Schots-Gaelic in Schotland. Doanaasn bestoan oek nog 't Cornish in Cornwall (Zuud-West-Iengeland, 250 vloeinde sprekers) en 't Manx up 't eiland Man (100 vloeinde sprekers), mo dat zyn dôo Keltische toaln die erupleevn en die were êentige moedertoalsprekers hen. 't Antol sprekers is klêne en doadeure is under vôortbestoan ounzeker.
Ofbeeldiengn die ier by passn ku je vien in de categorie Celtic languages van Wiki Commons. |
This article uses material from the Wikipedia West-Vlams article Keltische toaln, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.