Cornwall (Cornisch: Kernow ) is e ceremonieel groafschap en Unitary authority in den Iengelsche regio South West England, begrensd in 't nôordn en 't westn deur de Keltische Zêe en in 't zuudn deur 't Iengels Kanoal.
Cornwall | |
---|---|
Liggienge in Iengeland | |
Land | Iengeland |
Stoatus | Ceremonieel groafschap en Unitary authority |
Regio | South West England |
Hoofdplekke | Truro |
Ippervlak | 3.563 km² |
Inweuners | 561.349 (2017) (158 inw/km²) |
In 't ôostn wordt Cornwall van 't groafschap Devon gescheid deur de riviere de Tamar. 't Mêest westelyk punt is Land's End en 't mêest zuudelyk is Lizard Point. 't Ceremonieel groafschap Cornwall omvat ook de Scilly-eilandn. 't Administratief center is Truro.
In Cornwall wierd vroeger Cornisch gesprookn, e Keltische toale die uutgestorvn is in de loate 18e êeuwe, moar in de 20e êeuwe probeern ze de toale were leevn in te bloazn. Der is e Wikipedia in 't Kernowek en e regionalistische pollitieke partie Mebyon Kernow, die lid is van d' Europeesche Vrye Alliansje.
Prins Charles, de Britsche krôonprins, en zyn vrouwe Camilla Parker Bowles zyn hertog en hertoginne van Cornwall.
Ofbeeldiengn die ier by passn ku je vien in de categorie Cornwall van Wiki Commons. |
This article uses material from the Wikipedia West-Vlams article Cornwall, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.