133°E / 27°S 133°E / -27; 133
Ti Australia, opisial a ti Mankomunidad iti Australia, ket maysa a pagilian idiay Akin-abagatan a Hemisperio a nabuklan ti kangrunaan a daga iti kontinente iti Australia ken dagiti is-isla iti Tasmania ken dadduma pay a babassit nga isla idiay Indiano ken Taaw Pasipiko. Daytoy ket isu ti maikanem a kadakkelan a pagilian babaen ti dagup a kadakkel. Dagiti kaarrubana a pagilian ket mairaman ti Indonesia, Daya a Timor ken Papua Baro a Guinea iti amianan; ti Is-isla ti Solomon, Vanuatu ken Baro a Caledonia iti amianan-daya; ken Baro a Selanda iti abagatan-daya.
Mankomunidad ti Australia | |
---|---|
Nailian a kanta: "Advance Australia Fair" | |
Kapitolio | Canberra 35°18.48′S 149°7.47′E / 35.30800°S 149.12450°E |
Kadakkelan a siudad | Sydney |
Opisial a sasao | Awan |
Nailian a pagsasao | Ingles (de facto) |
Nagan dagiti umili | Australiano, Aussie, Taga-Australia |
Gobierno | Pederal a parlamentario a batay-linteg a monarkia |
• Monarkia | Isabel II |
• Gobernador-Heneral | Apo Peter Cosgrove |
• Kangrunaan a Ministro | Malcolm Turnbull |
Lehislatura | Parlamento |
Senado | |
Kamara dagiti Pannakabagi | |
Wayawaya manipud iti Nagkaykaysa a Pagarian | |
• Batay-linteg | 1 Enero 1901 |
• Alagaden ti Westminster | 11 Disiembre 1931 |
• Alagaden ti panagampon ti Tignay ti Westminster | 9 Oktubre 1942 (nga addaan iti naapektaran manipud idi 3 Septiembre 1939) |
• Tignay ti Australia | 3 Marso 1986 |
Kalawa | |
• Dagup | 7,617,930 km2 (2,941,300 sq mi) (Maika-6) |
Populasion | |
• Karkulo idi 2024 | 27,160,000 (Maika-51) |
• Senso idi 2016 | 23,401,892 |
• Densidad | 3.5/km2 (9.1/sq mi) (Maika-236) |
GDP (PPP) | Karkulo idi 2011 |
• Dagup | $918.978 bilion (Maika-18) |
• Tunggal maysa a tao | $40,836 (Maika-12) |
GDP (nominal) | Karkulo idi 2011 |
• Dagup | $1.507 trilion (Maika-13) |
• Tunggal maysa a tao | $66,984 (Maika-5) |
Gini (2012) | 33.6 kalalainganna · Maika-19 |
HDI (2013) | 0.933 nangato unay · Maika-2 |
Kuarta | Doliar ti Australia (AUD) |
Sona ti oras | UTC+8 aginggana iti +10.5 (sabsabali) |
• Kalgaw (DST) | UTC+8 aginggana iti +11.5 (sabsabali) |
Pagmanehuan | kanigid |
Kodigo ti panagtawag | +61 |
Kodigo ti ISO 3166 | AU |
TLD ti internet | .au |
Para kadagiti 40,000 a tawtawen sakbay ti Europeano a panagtaeng idi naladaw a maika-18 a siglo, ti Australia ket tinaengan idi babaen dagiti patneng nga Australiano, a naikameng ti, maysa wenno ad-adu ti agarup a 250 a grupgrupo ti pagsasao. Kalpasan ti panakadukatal babaen dagiti Olandes nga eksplorador idi 1606, ti akin-daya a kagudua ti Australia' ket tinunton babaen ti Gran Britania idi 1770 ken tinagtagitao babaen ti penal a pagluganan idiay kolonia ti New South Wales manipud idi 26 Enero 1788. Ti populasion ket nagin-inut a dimmakkel kadagiti simmarsaruno a dekada; ti kontinente ket nasuksukimat ken nanayonan ti lima a naipatakder a bukod nga agturturay a Balangat a kolkolonia.
Idi 1 Enero 1901, dagitoy nga innem a kolonia ket napederado, a nangporma ti Mankomunidad ti Australia. Manipud iti Pannakapederasion, ti Australia ket nakataripato ti natalinaay a liberal a demokratiko a sistema ti politika nga agpamay-ay a kas maysa a pederal a parlamentario a demokrasia ken batay-linteg a monarkia. Ti pederasion ket buklen dagiti innem nga estado ken nadumaduma a terteritorio. Ti populasion iti 27 a riwriw ket adu a naipatengngaan a dagidiay Akindaya nga estado ken kaaduan nga urbanisado.
Daytoy ket maysa a nangato a narang-ay a pagilian, ti Australia ket isu ti maika-13 a kadakkelan nga ekonomia iti lubong ken addaan iti maikanem a kangatuan ti matgedan ti tunggal maysa a tao iti lubong. Ti panaggastus ti Australia iti militar ket isu ti maika-13 a kadakkelan iti lubong. Addaan daytoy iti maikadua a kangatuan ti pagsurotan ti panagrangrang-ay ti nagtagitaoan iti lubong, ti Australia ket nangato a mairanggo kadagiti adu a sangalubongan a panagipadpada ti nailian a pannakaaramid, a kas ti kasayaat ti biag, salun-at, edukasion, waya ti ekonomiko, ken ti panagsalaknib ti sibil a wayawaya ken dagiti karbengan ti politika. Ti Australia ket maysa a kameng ti G20, OECD, WTO, APEC, UN, Mankomunidad dagiti Pagilian, ANZUS, ken ti Sangkatipunan dagiti Isla ti Pasipiko.
Dagiti midia a mainaig iti Australia iti Wiki Commons
This article uses material from the Wikipedia Ilokano article Australia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.