Parlamentario A Sistema: Porma ti gobierno
Ti parlamentario a sistema ket ti sistema ti demokratiko a panagturay iti estado a ti sanga ti ehekutibo ket mangala iti demokratiko a lehitimadona manipud iti, ken akinrebbeng iti, ti legislatura (parlamento); ti ehekutibo ken dagiti sanga ti lehislatibo ken isu a dagitoy ket nagsisilpoda.
Iti parlamentrio a sistema, ti daulo ti estado ket kadawyan a sabali a tao manipud iti daulo ti gobierno. Daytoy ket maigiddiat iti presidensial a sistema iti maysa a demokrasia, a ti daulo ti estado ket masansan pay nga isu ti daulo ti gobierno, ken iti kangrunaan, ti sanga ti ehekutibo ket saan a mangala ti demokratiko a lehitimadona manipud iti lehislatura.
Dagiti pagilian nga addaan kadagiti parlamentario a sistema ket mabalinda a dagiti batay-linteg a monarkia, a ti monarkia ket ti seremonial a daulo ti estado bayat a ti daulo ti gobierno ket gangani a kankanayon a kameng ti lehislatura (kas ti Nagkaykaysa a Pagarian, Suesia ken Hapon), wenno dagiti parlamentario a republika, nga iti kaaduan a seremonial a presidente ket ti daulo ti estado bayat a ti daulo ti gobierno ket kadawyan a manipud iti lehislatura (kas ti Irlanda, Alemania, Pakistan, India ken Italia). Kadagiti dadduma a bassit a parlamentario a republika, a kas ti Botswana, Abagatan nga Aprika ken Surinam, ken dagiti pay estado ti Alemania, ti daulo ti gobierno ket isu pay ti daulo ti estado, ngem nabutosan babaen ken sumungbat iti lehislatura.
This article uses material from the Wikipedia Ilokano article Parlamentario a sistema, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.