Nowoseelandska (jendźelsce New Zealand, maorisce Aotearoa) je njewotwisny stat, kotryž leži zwjetša na dwěmaj wulkimaj kupomaj w juhozapadnym dźělu Ćicheho oceana.
Ma štyri a poł miliony wobydlerjow a přestrjeń wot nimale 270.000 kwadratnych kilometrow, potajkim je wjetša hač Wulka Britaniska, ma pak jenož dźesaćinu jeje wobydlerstwa. W lěće 1947 bu njewotwisna wot Zjednoćeneho kralestwa, wostanje pak hač do dźensnišeho z čłonom Commonwealtha.
zakładne daty: | |
swójske mjeno | New Zealand Aotearoa |
stolica | Wellington |
přestrjeń | 269.652 km² |
wobydlerstwo | 5.132.870 (2021) |
hustosć | 19 wob./km² |
forma knježerstwa | parlamentariska monarchija |
hłowa stata | kral Charles III. (zastupowany přez generalnu guwernerku Cindy Kiro) |
šef knježerstwa | premier Chris Hipkins (wot 2023) |
měna | Nowoseelandski dolar |
hamtska rěč | jendźelšćina(de facto), maorišćina, gestikulaciska rěč |
hymna | God Defend New Zealand/God Save the King |
časowe pasmo | UTC +12 |
njewotwisnosć | 25. nowembra 1947 |
Top Level Domain | .nz |
telefon | +64 |
Połoženje Nowoseelandskeje na zemi | |
Dwě najwjetšej a hłownej kupje stej Južna a Sewjerna kupa. Južna kupa ma wjetšu přestrjeń, ale Sewjernu kupu wobydla wjace ludźi. Najwjetše město Sewjerneje kupy je Auckland z wjace hač 400.000 wobydlerjemi, mjeztym zo ma na samsnej kupje ležaca stolica Wellington jenož wokoło 200.000 wobydlerjow. Najwjetše město Južneje kupy je Christchurch z něhdźe 350.000 wobydlerjemi. Powšitkownje je Nowoseelandska jara rědko wobsydlena, čehoždla ma tež přimjeno Zelena kupa.
This article uses material from the Wikipedia Hornjoserbsce article Nowoseelandska, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.