Kompjuterowa tastatura je w informatice zapodawanski nastroj po přikładźe pisanskeje mašiny, kotryž so wužiwa za zapodaće a wodźenje znamješkow na ličaku.
Město zažneje technologije dźěrkow a dźěrobantow je wot 1970tych lět interakcija přez dalokopisakowe tastatury najwažniša metoda zapodawanja za ličaki, wot 1980tych lět wudospołnjena z kompjuterowej myšku. Tastatura so ličakej přez USB-kable abo škričkowy zwisk přizamknje. Na tastach F, J (wuzběhnjenej smuze) resp. Num 5 su zwjetša pomocne markěrowanja za spěšnišu orientaciju (na tasće F a J kładźemy při pisanju z dźesać porstami pokazowakaj).
Code Kit Unicode ma znamješko za kompjuterowu tastaturu ⌨ (z U + 2328).
Za wšelake nastroje, dźěłowe systemy a rěče eksistuja najwšelakoriše wuhotowanja tastatury. Za rěče z łaćonskimi pismikami su prěnje pismiki horjeka nalěwo zwjetša QWERTZ (na př. němčina, serbšćina) abo QWERTY (jendźelšćina). Tež za serbskej rěči mamy wotpowědne wuhotowanje, na př. za Windows.
This article uses material from the Wikipedia Hornjoserbsce article Kompjuterowa tastatura, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.