Y Cynghrair Hanseataidd
Cynghrair masnachol o ddinasoedd yng ngogledd yr Almaen a dinasoedd eraill o gwmpas y Môr Baltig, yr Iseldiroedd, Norwy, Sweden, Gwlad Pwyl ac eraill oedd y Cynghrair Hanseataidd neu Gynghrair Hansa (Almaeneg: Hanse).
Yn ail hanner y 12g a dechrau'r 13g, datblygodd nifer o ddinasoedd masnachol pwysig yng ngogledd yr Almaen, megis Lübeck, Rostock, Wismar, Stralsund, Greifswald, Stettin, Danzig ac Elbing. Lübeck oedd y ddinas bwysicaf o fewn rhwydwaith o gysylltiadau masnachol, ac ystyrir fel rheol mai yma y dechreuodd y Cynghrair Hanseataidd. Ffurfiodd y ddinas gynghrair masnachol a Hamburg yn 1241. Ceir y term Hansa mewn dogfen am y tro cyntaf yn 1267. Tyfodd y cynghrair i gynnwys nifer fawr o ddinasoedd eraill. Sefydlwyd dinasoedd Almaenig eraill yn rhan ddwyreiniol y Môr Baltig, megis Danzig (Gdańsk), Elbing (Elblag), Thorn (Toruń), Reval (Tallinn), Riga a Dorpat (Tartu).
Dechreuodd grym y cynghrair edwino tua diwedd y 15g, a pharhaodd i edwino gyda thŵf gwladwriaethau sofran yn Ewrop, darganfyddiad America a datblygiad grym morwrol yr Iseldiroedd a Lloegr yn y ganrif ddilynol.
Bu i lwyddiant a grym economaidd y Gynghair arwain yn rannol at greu Undeb Kalmar gan y teyrnasoedd Llychlynaidd.
This article uses material from the Wikipedia Cymraeg article Y Cynghrair Hanseataidd, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.