Hansa o Liga Hansiatega, in origgine, l'union ciu ò meno diatúa di mercanti tedeschi a l'estero; o termine o passò da pœu a dexignâ a liga di commercianti de çittæ riviasche do Mâ do Nord e do Baltico ch'a s'esteize, tra o 13° e o 17° sec., a di âtre çittæ ascì, no mainæe ma coligæ co-e primme da di streiti ligammi de commercio.
ZE-P |
Pù presentando de streite analogie co-e Societæ di mercanti italien in França ò in Fiandra, a Hansa a se ne distinse pe a diata assæ ciu longa into tempo, e pe a maggiô ampieçça territoriâ e pe o carattere sovianaçionâ.
O primmo nuccleo da Hansa o remonta a-a liga ch'a l'unì, da-o 1241, Amburgo e Lubecca, a-a quæ se aggregò ben fîto di âtre, tra de lô alliæ, da-o 13° sec., a costituî a spiña dorsâ da Hansa. Benché questa a foise diretta da de çittæ soggette a-o Sacro Roman Impeo e composta da molte âtre çittæ imperiæ, aderîghe no scignificò mai intrâ a fâ parte politicamente de l'impeo mæximo, ma solo êse ammissi a parteçipâ a-i diritti do mercante tedesco a l'estero.
O commercio da Hansa o fu a un tempo terrestre (trasporto de merçe de l'Œüropa centrâ e orientâ e sciña de l'Axia a-o mâ e viçeversa) e marittimo (veo e proprio monopolio fra e opposte rive do Mâ do Nord e do Baltico): a l'esportava laña e metalli sgrœuzzi da l'Inghiltæra, da-e Fiandre produti locæ e quelli che gh'affluivan da l'Œüropa meridionâ e specce da l'Italia, scangiandoli inte l'interno da Germania, da Polonia e da Ruscia con pelliççe, gran, legnamme da costruçion, metalli sgrœuzzi e laoæ, produti de l'Estremmo Oriente.
Favoia da-a força mæxima che ghe vegniva da l'union de tante çittæ, gjosa e energica inta difeiza di so diritti a Hansa, con a cappo Lubecca, a poette desgœugge a so attivitæ commerciâ ascì pe a tranquillitæ che gh'asseguava l’impeo, ch'o l'evitò de turbâne o paxiffego sviluppo. Doppo a meitæ do 15° sec. o lento affermâse de nœuve forçe politiche into Mâ do Nord e in sce-o Baltico (a dinastia di Tudor in Inghiltæra, quella di Wasa in Scandinavia), l’ostilitæ di Olandeixi e a conquista de Novgorod da parte di zar, che ghe seron l’agençia co-i magazzin, fun l’iniçio da lenta decadença da Hansa, ch'a riçevette un urtimo corpo da-a scoverta de l'America.
Pù senç'ese mai stæta sciolta formalmente, a tègne a so urtima reünion into 1669.
Contròllo de outoritæ | VIAF (EN) 147773364 · ISNI (EN) 0000 0001 1156 562X · LCCN (EN) n82138799 · GND (DE) 2038963-2 · BNF (FR) cb11934217q (data) · NLA (EN) 51934400 · NDL (EN, JA) 00562959 · WorldCat Identities (EN) n82-138799 |
---|
This article uses material from the Wikipedia Lìgure article Hansa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). O contegnûo o l'é disponìbile in sciâ bâze da licénsa CC BY-SA 4.0, se o no l'é diversaménte specificòu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lìgure (DUHOCTRUNGQUOC.VN) is an independent company and has no affiliation with Wiki Foundation.