International Standard Name Identifier: Identificatô a 16 cîfre pe persónn-e e òrganizaçioîn

Quésto identificatô o l'é formòu da 16 cîfre, e quæ pêuan êse vizoalizæ inte quàttro blòcchi separæ.

ZE	Quésta pàgina a l'é scrîta in léngoa zenéize A Grafîa adeuviâ a l'é quélla de l'Académia Ligùstica do Brénno

L'ISNI o pêu êse dêuviòu pe dizanbigoâ de entitæ o quæ nómme o poéiva generâ confuxón, colegàndo i dæti in scî nómmi che són pigiæ e dêuviæ inte tùtti i setoî de inpréize di media.

O l'é stæto svilupòu segóndo e dispoxiçioîn de l'Òrganizaçión Internaçionâle pi-â Standardizaçión (ISO) cómme da Draft International Standard 27729; o standàrd vàlido o l'é stæto publicòu a-i 15 de màrso do 2012. O comitâto técnico ISO 46, sotocomitâto 9 (TC 46/SC 9) o l'é o responsàbile do svilùppo de quésto standàrd.

Inta FAQ do scîto d’Internétte isni.org o l'é scrîto che 'n ISNI o l'é formòu da 16 cîfre, con l'ùrtimo caràtere ch'o l'é 'n caràtere de contròllo.

Formâti sénsa spàçio

• MARC: o l'é stæto propòsto pe scrîve l'ISNI sénsa dêuviâ di spàççi, prezénpio (isni)1234567899999799
• isni.org URL: sénsa spàççi, prezénpio http://www.isni.org/isni/0000000122805510
• viaf.org:
  • URL https://viaf.org/viaf/59091300/
  • URL https://viaf.org/processed/ISNI%7C0000000122805510
  • i dump di dæti dêuvian a fórma ISNI|0000000122805510

Formâti con spàçio

Inta vizoalizaçión o l'é de spésso mostròu con di spàççi.

• isni.org
• viaf.org

L'ISNI o permétte de identificâ 'na séncia identitæ, cómme o nómme fâso de 'n outô ò a stànpa dêuviâ da 'n editô, co-in nùmero univoco. Quésto nùmero univoco o pêu dónca êse colegòu a un di numerôzi âtri identificatoî dêuviæ da-i mézzi d'informaçión pe identificâ nómmi e âtre fórme de identitæ.

'N ezénpio de l'ûzo de 'n nùmero de quésto tîpo o l'é l'identificaçión de 'n muxicìsta che però o l'é ànche 'n scritô de mûxica e de poêxîe. Dónde o poiéiva êse contenporaniaménte identificòu in vàrie bànche dæti dêuviàndo divèrsci scistêmi de identificaçión, ségge pùblichi che privæ, inte l'ànbito do scistêma ISNI o l'aviéiva 'n sôlo eleménto ISNI colegòu. E vàrie bànche dæti poéivan dónca scangiâ di dæti in sce quélla particolâ identitæ sénsa ricorî a métodi dizordinæ cómme o paragón de strìnghe de tèsto. 'N ezénpio ch'o vêgne de spésso minsonòu pî-a léngoa ingléize o l'é a dificoltæ incontrâ inte l'identificaçión de "John Smith" inte 'na bànca dæti. Scibén che a gh'é numerôzi eleménti pe "John Smith", o no l'é de lóngo ciæo l'eleménto ch'o corispónde a-o "John Smith" domandòu.

Se 'n outô o l'à publicòu di tèsti con vàrri nómmi e nómmi fâsi, ciaschedùn de 'sti nómmi chi o l'aviâ o sò ISNI.

L'ISNI o pêu êse dêuviòu da bibliotêche e archìvi quànde condivìddan informaçioîn de catàlogo; pe 'na riçèrca ciù precîza de informaçioîn in sciâ Ræ e inte bànche dæti o pêu agiutâ inta gestión di dirìtti óltre i confìn naçionâli e inte l'anbiénte digitâle.

ORCID

I identificatoî ORCID (Open Researcher and Contributor ID) conscìstan inte 'n blòcco de identificatoî ISNI riservòu a riçercatoî académichi e aministròu da 'n'òrganizaçión separâ. I sénci riçercatoî pêuan creâ e rivendicâ o pròpio identificatô ORCID. E dôe òrganizaçioîn córdinan i sò sfòrsi.

Outoritæ de registraçión

Segóndo l'ISO, l'outoritæ de registraçión pe l'ISO 27729:2012 a l'é l'ISNI International Agency, a quæ a se trêuva a Lóndra (c/o EDItEUR). Quésta a l'é incorporâ, segóndo o Companies Act 2006, cómme 'na socjêtæ privâ a responsabilitæ limitâ.

L'International Agency a l'é comuneménte conosciûa cómme ISNI-IA.

Quésta socjêtæ sénsa òbietîvo de goâgno registrâ into Régno Unîo a l'é stæta fondâ da 'n consòrçio de òrganizaçioîn formòu da-a Confédération Internationale des Sociétés d'Auteurs et Compositeurs (CISAC), da-a Conference of European National Librarians (CENL), da l'International Federation of Reproduction Rights Organisations (IFRRO), da l'International Performers Database Association (IPDA), da l'Online Computer Library Center (OCLC) e da ProQuest. A l'é controlâ da diretoî nòminæ da quéste òrganizaçioîn e, into câxo do CENL, da raprezentànti da Bibliotêca naçionâle de Frànsa (Bibliothèque nationale de France) e da British Library.

Agençîe de registraçión

'N'agençîa de registraçión a fornìsce l'interfàccia tra-i richiedénti ISNI e l'Agençîa de Asegnaçión ISNI.

Into 2018, YouTube o l'é diventòu 'n regìstro ISNI, anonçiàndo l'intençión de iniçiâ a creaçión de identitæ ISNI pe-i muxicìsti di quæ o fa védde i vìdeo. L'ISNI o prevédde che, cómme rizultâto de quésta decixón, o nùmero di sò ID "o l'aomentiâ fòscia de 3-5 milioîn inti pròscimi dôe ànni".

Into 2020 a Sound Credit, insémme a l'ISNI, a l'à anonçiòu che e registraçioîn a l'ISNI pe-o setô da mûxica saiàn de bàdda e outomàtiche. O scistêma de registraçión de bàdda o l'é pàrte da creaçión de 'n profî uténte Sound Credit, dêuviâ pe-o sò inportànte scistêma pe l'atribuçión di créditi. O l'inclùdde 'na riçèrca outomàtica pe evitâ ISNI duplicâti e 'n certificâto creòu da-o scistêma de registraçión Sound Credit pe òfiçiâ i nêuvi ISNI apénn-a registræ.

Ménbri de l'ISNI

I ménbri de l'ISNI (ménbri de l'ISNI-IA), a-i 11 de lùggio do 2018, són:

• ABES (French Bibliographic Agency for Higher Education)
• Brill Publishers
• CEDRO (Centro Español de Derechos Reprográficos)
• CDR (Centrale Discotheek Rotterdam)
• Copyrus
• FCCN
• Archìvi Naçionâli Françéizi (Archives nationales de France)
• Universcitæ de Harvard
• Iconoclaste
• Irish Copyright Licensing Agency (ICLA)
• ISSN International Centre
• Universcitæ La Trobe
• Bibliotêca do Congrèsso
• Bibliotêca MacOdrum, Universcitæ de Carleton
• Bibliotêca Naçionâle da Finlàndia
• Bibliotêca Naçionâle da Nêuva Zelànda
• Bibliotêca Naçionâle da Norvéggia
• Bibliotêca Naçionâle da Svéçia (Kungliga Biblioteket)
• Publishers' Licensing Services
• Bibliotêca UNSW

L'ISNI-IA a l'adêuvia 'n scistêma de asegnaçión ch'o conprénde 'n'interfàccia uténte, 'n schêma de dæti, di algorìtmi de dizanbigoaçión e 'na bànca dæti ch'a sódisfa i requixîti do standàrd ISO, dêuviàndo ànche a tecnologîa existénte quànde poscìbile. O scistêma o l'é bazòu prinçipalménte in sciô servìçio Virtual International Authority File (VIAF), o quæ o l'é stæto svilupòu da OCLC pe l'utilìzzo inte l'agregaçión di catàloghi de bibliotêche.

L'intrâ a-o scistêma de asegnaçión e a-a bànca dæti, óltre che a-i nùmeri che vêgnan generæ cómme output do procèsso, o l'é controlòu da òrganìsmi indipendénti conosciûi cómme "agençîe de registraçión". Quéste agençîe de registraçión tràtan diretaménte co-e cazànn-e, garanténdo che i dæti séggian fornîi in di formâti apropriæ e reconpensàndo l'ISNI-IA pe-i cósti de mantegniménto do scistêma de asegnaçión. E agençîe de registraçión són nominæ da l'ISNI-IA ma saiàn gestîe e finançiæ in mòddo indipendénte.

A tabèlla chi de sótta a contêgne i contézzi da covertûa de l'ISNI, pe milioîn de identitæ de tùtti i tîpi, tra-i quæ a gh'é milioîn de persónn-e, milioîn de riçercatoî (conpréizi inte persónn-e ascì) e de òrganizaçioîn.

• (EN) Karen Smith-Yoshimura, Janifer Gatenby, Grace Agnew, Christopher Brown, Kate Byrne, Matt Carruthers, Peter Fletcher, Stephen Hearn, Xiaoli Li, Marina Muilwijk, Chew Chiat Naun, John Riemer, Roderick Sadler, Jing Wang, Glen Wiley e Kayla Willey, Addressing the Challenges with Organizational Identifiers and ISNI, Dublin, Ohio, OCLC Research, Arvî 2016.

• (EN) Scîto ofiçiâ, in sce isni.org. URL consultòu l'8 novénbre 2021.