Offeryn cerdd gyda thannau yw gitâr.
Mae'r gitâr acwstig wedi ei gwneud o bren, gydag un twll crwn yng nghanol ei chorff. Pwrpas y twll yw cynhyrchu sŵn uchel drwy chwyddo'r sŵn. Mae pob un o'r chwe tant yn ffurfio nodyn gwahanol a ddynodir gyda'r symbolau: E A D G B E.
Pan dynnir y tannau maen nhw'n dirgrynu a dyna sy'n creu'r sŵn. Defnyddir gitâr acwstig mewn cerddoriaeth werin a chanu gwlad, cerddoriaeth glasurol ac mewn rhai mathau o ganu pop.
Mae yna wahanol fathau o gitarau acwstig e.e gitâr acwstig tannau neilon a gitâr acwstig tannau dur.
Mae gan y gitâr glasurol wddf eithaf llydan fel bo'r tannau â mwy o le rhyngddynt, i alluogi'r cerddor i blycio'r tannau gyda'i fysedd. Gwneir y tannau o neilon neu gwt (cordyn a wneir o goluddyn dafad), sydd yn gysurus i flaenau'r bysedd o gymharu â thannau metal.
Mae'r gitâr drydan fel arfer wedi ei greu o bren neu blastig. Yn lle twll yn y canol, mae gan gitâr drydan "pickups" sef synhwyrydd electronig tebyg i feicroffôn i godi'r sŵn. Mae'r synhwyryddion hyn yn casglu'r cryndodau yn y maes magnetig a'u chwyddo. Rhai o nodweddau ychwanegol gitâr drydan yw "distortion" ac "overdrive".
Defnyddir gitâr drydan mewn cerddoriaeth canu gwlad, roc (a roc trwm) a pop.
Cafodd y gitâr drydan gyntaf ei greu yn yr 1930au cynnar, fel "lap steel".
This article uses material from the Wikipedia Cymraeg article Gitâr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.