Gitar
Gitar iku piranti musik mawi senar utawa dawai kang dimainaké nganggo driji tangan utawa nganggo plektrum (piranti petik gitar saka plastik).
Swara dikasilaké saka senar-senar kang gumeter. Pérangan utama saka siji gitar yaiku: awak gitar (body), stang (fretboard) lan senar. Gitar racaké digawé saka kayu lan duwé senar saka plastik utawa kawat. Akèh-akèhé gitar duwé enem senar, nanging ana uga kang duwé 4, 7, 8, 10 utawa 12 senar. Gulu gitar dipasangi tandha kang digawé saka wesi kang diarani fret, gunané minangka pituduh kanggo masang driji supaya ngasilaké nada tinamtu. Gitar bisa wujud gitar akustik utawa listrik, utawa gabungan kaloroné.
Ètimologi
Tembung gitar dijupuk saka tembung Basa Spanyol guitarra ing taun 1600an. Ing jaman abad tengahan tembung gitter utawa gittern digunakaké ing Inggris. Tembung guitarra lan gitter asal saka tembung Basa Latin cithara. Tembung cithara asal saka tembung kithara. Kithara bisa dijupuk saka tembung ing jaman kamaharajan Pèrsi sihtar. Sihtar dhéwé magepokan karo piranti musik saka India, yaiku sitar.
Cathetan suku
Gladri
This article uses material from the Wikipedia Basa Jawa article Gitar, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.