Piranti Musik
Piranti musik iku instrumèn utawa piranti kang digawé utawa diowahi kanggo ngasilaké suwara kang diarani musik.
Pathokane sadhengah barang kang ngasilaké swara, lan kanthi cara tinamtu ditata déning musisi, bisa ingaran minangka piranti musik. Sanajan mangkono, tembung iki lumrahé ditujokaké marang piranti kang mligi kanggo dolanan musik. Èlmu kang nyinaoni prakara piranti musik ingaran organologi.
Piranti musik miturut sumber uni
- Idiofon, iku piranti musik kang sumber uniné asal saka bahan dhasaré. tuladha: kolintang, drum, bongo, kabasa, angklung
- Aerofon, iku piranti musik kang sumber uniné asal saka sebulan hawa. tuladha: suling, trompèt, harmonika, trombone.
- Kordofon, iku piranti musik kang sumber uniné asal saka senar. tuladha: bass, gitar, piyul, gitar, sitar, piano, kecapi
- Membranofon, iku piranti musik kang sumber uniné sala saka selaput utawa membran. tuladha: tifa, drum, kendang, tam-tam, rebana
- Elektrofon, iku piranti musik kang sumber uniné saka tenaga listrik (elektronik). tuladha: kibor, gitar listrik, bass listrik
Piranti musik miturut cara nggunakaké
- Piranti musik sebul ngasilaké swara nalika kolom hawa ing njeroné digeteraké. Tuladha piranti musik iki trompet lan suling.
- Piranti musik tabuh. Tuladhané: kolintang (mawa nadha), drum (tanpa nadha), lan bongo (tanpa nadha).
- Piranti musik petik. Tuladhané: gitar, gitar bas, kentrung
- Piranti musik gèsèk. Tuladhané: piyul, rebab
This article uses material from the Wikipedia Basa Jawa article Piranti musik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.