Gemau'r Gymanwlad 2018

Arfordir Aur, Queensland, Awstralia oedd cartref y Gemau gafodd eu cynnal rhwng 4 - 15 Ebrill 2018. Cafwyd cyfarfod i ddewis y ddinas fyddai'n cynnal y Gemau yn ystod Cyfarfod Ffederasiwn Gemau'r Gymanwlad yn Basseterre, Sant Kitts-Nevis ym mis Tachwedd 2011 gyda Dinas Gold Coast yn ennill y bleidlais gyda 43 pleidlais a 27 pleidlais i Hambantota, Sri Lanca a ddaeth yn ail.

21in Gemau'r Gymanwlad
Campau	19
Seremoni agoriadol	4 Ebrill
Seremoni cau	14 Ebrill
Agorwyd yn swyddogol gan	Y Tywysog Siarl, Tywysog Cymru
<  XX XXII  >

Gemau'r Gymanwlad 2018

Enghraifft o'r canlynol	digwyddiad aml-chwaraeon
Dyddiad	2018
Dechreuwyd	4 Ebrill 2018
Daeth i ben	15 Ebrill 2018
Cyfres	Gemau'r Gymanwlad
Lleoliad	Gold Coast
Rhanbarth	Queensland
Gwefan	http://www.gc2018.com/
Ffeiliau perthnasol ar Gomin Wicimedia

Dyma oedd y pumed tro i Awstralia gynnal Gemau'r Gymanwlad.

Flora Duffy o Bermuda gipiodd fedal aur cyntaf y Gemau yn y Triathlon i ferched. Dyma oedd medal aur cyntaf Bermuda yng Ngemau'r Gymanwlad ers i Nick Saunders gipio aur yn y naid uchel yn Auckland ym 1990.

Llwyddodd Fanwatw, Ynysoedd Cook, Ynysoedd Solomon, Dominica, Ynysoedd Morwynol Prydain a Sant Lwsia i ennill medal am y tro cyntaf yn hanes Gemau'r Gymanwlad.

Daeth medalau Fanwatw, Dominica, Ynysoedd Morwynol Prydain a Sant Lwsia yn yr athletau wrth i Kyron McMaster ennill aur yn y 400m dros y clwydi i'r Ynysoedd Morwynol Prydain a cipiodd Levern Spencer o Sant Lwsia yr aur yn y naid uchel. Cafwyd medalau efydd i Friana Kwevira o Fanwatw yn y gwaywffon T36, Thea Lafond o Dominica yn y naid driphlyg i ferched.

Llwyddodd Aidan Zittersteijn a Taiki Paniani o Ynysoedd Cook i drechu'r pâr o Malta er mwyn ennill medal efydd yng nghystadleuaeth parau bowlio lawnt a cipiodd Jenly Wini fedal efydd yng nghategori 58 kg codi pwysau i Ynysoedd Solomon.

Y codwr pwysau o Seland Newydd, David Liti, gafodd ei urddo â Gwobr David Dixon yn ystod y Seremoni Cloi..

Dychwelodd Pêl-fasged i'r gemau ar draul Jiwdo gyda Rygbi Saith-bob-ochr a Pel-foli Traeth yn cael eu cyflwyno am y tro cyntaf

Roedd pob un o 71 o wledydd y Gymanwlad yn gyrru tîm i Gemau'r Gymanwlad, 2018 gyda Gambia yn dychwelyd i'r Gymanwlad ym mis Mawrth 2018 ond ni fu y Maldives yn cystadlu ar ôl gadael y Gymanwlad yn 2016.

Roedd 275 o wahanol gampau yn y Gemau a llwyddodd 43 o wledydd gwahanol i gipio medal gyda'r tîm cartref, Awstralia, yn gorffen ar frig y tabl medalau

Safle	CGA	Aur	Arian	Efydd	Cyfanswm
1	Awstralia*	80	59	59	198
2	Lloegr	45	45	46	136
3	India	26	20	20	66
4	Canada	15	40	27	82
5	Seland Newydd	15	16	15	46
6	De Affrica	13	11	13	37
7	Cymru	10	12	14	36
8	Yr Alban	9	13	22	44
9	Nigeria	9	9	6	24
10	Cyprus	8	1	5	14
11	Jamaica	7	9	11	27
12	Maleisia	7	5	12	24
13	Singapôr	5	2	2	9
14	Cenia	4	7	6	17
15	Wganda	3	1	2	6
16	Botswana	3	1	1	5
17	Samoa	2	3	0	5
18	Trinidad a Tobago	2	1	0	3
19	Namibia	2	0	0	2
20	Gogledd Iwerddon	1	7	4	12
21	Bahamas	1	3	0	4
22	Papua Gini Newydd	1	2	0	3
23	Ffiji	1	1	2	4
24	Pacistan	1	0	4	5
25	Grenada	1	0	1	2
26	Bermiwda	1	0	0	1
	Gaiana	1	0	0	1
	Ynysoedd Morwynol Prydain	1	0	0	1
	Sant Liwsia	1	0	0	1
30	Bangladesh	0	2	0	2
31	Sri Lanca	0	1	5	6
32	Camerŵn	0	1	2	3
33	Dominica	0	1	1	2
34	Ynys Manaw	0	1	0	1
	Mawrisiws	0	1	0	1
	Nawrw	0	1	0	1
37	Malta	0	0	2	2
	Fanwatw	0	0	2	2
39	Ynysoedd Cook	0	0	1	1
	Ghana	0	0	1	1
	Ynys Norfolk	0	0	1	1
	Seychelles	0	0	1	1
	Ynysoedd Solomon	0	0	1	1
Cyfanswm (43 o wledydd)		275	276	289	840

Llwyddodd athletwyr Cymru i ennill 36 o fedalau - 10 medal aur, 12 medal arian a 14 medal efydd - cyfanswm medalau sydd gystal â'r nifer uchaf erioed o'r Gemau yn Glasgow yn 2014, ond yr adeg hynny dim ond pum medal aur gafodd y tîm. Gyda 10 medal aur yn cael eu hennill yn 2018, mae'r Gemau yn cael eu hystyried fel y Gemau gorau erioed i Gymru.