Corhedydd Y Coed: Rhywogaeth o adar
Mae Corhedydd y Coed (Anthus trivialis) yn aelod o deulu'r Motacillidae, sy'n cynnwys y siglennod yn ogystal a'r corhedyddion.
| Corhedydd y Coed | |
|---|---|
.jpg) | |
| Dosbarthiad gwyddonol | |
| Teyrnas: | Animalia |
| Ffylwm: | Chordata |
| Dosbarth: | |
| Urdd: | Passeriformes |
| Teulu: | Motacillidae |
| Genws: | Anthus |
| Rhywogaeth: | A. trivialis |
| Enw deuenwol | |
| Anthus trivialis (Linnaeus, 1758) | |
Mae'n aderyn cyffredin trwy'r rhan fwyaf o Ewrop a gorllewin a chanol Asia.Mae'n aderyn mudol, sy'n symud i Affrica a de Asia dros y gaeaf.
Fel y rhan fwyaf o'r corhedyddion mae'n aderyn brown ar y cefn a gwyn gyda marciau duon ar y fron a'r bol. Gall fod yn anodd ei wahaniaethu oddi wrth Gorhedydd y Waun sydd fymryn yn llai. Mae gan Gorhedydd y Coed big ychydig yn fwy, llinell welw fwy amlwg uwchben y llygad a bol gwynnach. Pan mae'n canu mae'n haws ei wahaniaethu, gan fod y gân yn gryfach ac yn fwy amrywiol. Mae'n canu o'r awyr, gan godi'n weddol uchel ac yna dod i lawr dan ganu. Adeiledir y nyth ar lawr, ond fel rheol mae'n nythu mewn mannau lle mae ychydig o goed neu lwyni. Pryfed yw'r prif fwyd ond gall fwyta hadau hefyd.
Mae'n aderyn gweddol gyffredin yng Nghymru, yn enwedig ar lethrau isaf y mynyddoedd, ond nid yw'n adnabyddus iawn, efallai oherwydd ei fod yn anodd gwahaniaethu rhyngddo a'r corhedyddion eraill.
This article uses material from the Wikipedia Cymraeg article Corhedydd y coed, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.