Azerbaidjan: Un pais en Asia

Azerbaidjan
Informa jeneral
Capital:	Bacu
Lingua ofisial:	Azerbaidjani
Dirije
Governa:
- Xef de stato:	Ilham Aliyev
- Xef de governa:	Artur Rasizade
Otras
Area:	86,600 km²
Popla:	9,754,830
Densia:	112.6
PIB:
Mone:	Manat (₼) (AZN)
Zona de ora:	AZT (UTC+04)
Numero de telefon:	+994
Interede:	.az

Lo ave frontera con Rusia a norde, Sacartvelo, Haiastan a ueste, Iran a sude e la Mar Caspio a este. Sua capital es Bacu. Azerbaidjan ia deveni un pais nondependente de la Uni Soviet cuando lo ia fini en 1991.

Azerbaidjan ance inclui la Republica Autonom de Nahtxivan, un enclave, cual es a lado de Haiastan a norde e este, Iran a sude e ueste, e Turcia a norde-ueste. La plu parte de la pais es en Asia e, per la Nasiones Unida, es un pais asian. La area es sirca 86 600 cilometres cuadrida e la cuantia de abitores, en la anio 2007, ia es sirca 8 120 247 persones.

La capital es Bacu e la lingua major es azerbaidjani.

Azerbaidjan antica ia es nomida "Albania caucasian" e ia es relativa autonom sur la controla roman/bizantian e persian.

A pos la concista arabi en la sentenio 7 la pais ia es su influe muslim, cuando sua popla ia deveni muslim, asta cuando la Impero Rusce ia concista la teritorio.

Entre 1920 e 1991, Azerbaidjan ia es un pais comuniste como membro de la Uni Soviet.

De la sentenio 19 temprana, multe rusces ia abita Azerbaidjan, ma a pos la cade de la Uni Soviet con la nondepende de Azerbaidjan, multe rusces e otra poplas ia abandona la pais.

Multe azerbaidjanis ave alga forma de educa de universia, xef en la campos siensal e tecnical. Seguente la datos de la Uni Soviet, 100% de la omes e femes ia pote leje en 1970. En 2009, la grado de alfabetisme es de 99,5%.