Georg Wilhelm Friedrich Hegel (* 27 agosto 1770 en Stuttgart, Deutxland; † 14 novembre 1831 en Berlin, Deutxland) ia es un filosofiste importante e un person sentral de la idealisme deutx.
La sistem de Hegel es un de la plu complicadas de la istoria de filosofia. La obra "Fenomenolojia de la mente" es un de la plu importante de la filosofia.
La filosofia de Hegel inclui la metodo de la dialetica. Lo ia ave influe grande a la developa de la marxisme, cual usa un varia materialiste de dialetica.
La cualia xef de la sistem de la Hegel ia es la pensa dialetal. La prinsipe fundal ia es la frase "La tota es la vera". Esta veria intera reali tra verias partal contradisente, cual crea tra sintese un veria de un nivel plu alta, cual es ance un parte de un contradise nova. La contradise fundal es entre idea e natur, cual sintese a la conseta de la mente. La mente deveni consensa de sua idea propre tra formi la natur (tra labora) e se mesma (tra politica, arte, relijio, e filosofia). Razona, veria, e consensia ia reali se en un prosede istorial.
This article uses material from the Wikipedia Lingua franca nova article Georg Wilhelm Friedrich Hegel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.