Eugenio Montale
Eugenio Montale (1896–1981), un poesiste, criticiste italian, e ganior de la premio Nobel, ia nase en Jenoa.
El ia servi en la armada italian en la Gera Mundal Prima. Pos labora per un revista e ofisio de publici, en 1928 el ia es nomida como xef de biblioteca de Gabinetto Vieusseux en Firenze, un posto cual el ia perde par sua opinas antifaxiste.
Tra des anios el ia tradui autores engles e american a italian. Alora en 1948, el ia comensa scrive per Corriere della Sera ("Posta de la sera"), la jornal de Milano en cual el ia deveni la criticiste de musica e leteratur. El ia scrive sinco libros de poesia, incluinte Ossi di seppia (Osos de la sepida, 1925), Le occasioni (La veses, 1939), e La bufera e altro (La tempesta e otra cosas, 1956); estas ia es republicida en un colie, Poesie (Poesia, 1958; traduida 1964). Per sua poesia, el ia gania la premio Nobel 1975 per leteratur.
This article uses material from the Wikipedia Lingua franca nova article Eugenio Montale, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.