Cultiva

Esta es la article supra cultiva. La categoria Cultiva conteni plu articles sur cultiva.

A nivel global, la majoria de la popla ativa dedica se a la cultiva, ma esta ativia representa sola 4% de la produi interna bruta de la mundo.

La reloca de recolies ia es developada en Europa en sentenio 18. La cultiva estendeda de nabo e otra plantas de radis ia fasili la nuri de boves tra la inverno. En pasada on ia debe mata la boves e ia preserva la carne par sali.

La introdui de patatas e nabo en la sentenio 17 ia marca un avansa notable. Alora Jethro Tull ia mostra la vantaje de la cultiva completa de tera e la cultiva de semes en linias regulal (perfora) en contrasta a jeta los tra la tera par manos plen. Esta ia permete ce la cavalos pasea sur linias de tera per secute e limpi lo. A pos on ia usa la sistem de tre campos par Norfolk o torse de cuatro cursos. Robert Bakewell ia abri la via de eleva oveas e bestias cornida par la bon metodo de eleva interna.

La macini de cultiva ia progresa grande en Europa e la SUA. La recolie ia es de cualia alta par usa de fertilinte artifis cual ia sustitui per la escrete de bestias. La boni de trigo par crusa ia es comensada a la fini de sentenio 18. Tota spesies de recolies ia es bonida a modo simil.

On ia developa macinas recoliente e otra aparatos intendeda per la recolie e trata ajuntal de plantas. On ia fa avansas en descovre e cura de maladias plantal, spesial par parasitos. Manteni de sania de bestas e trata de sua maladia ia aveni a grados alta.

Pos la Gera Mundal Du, on ia ave un crese grande en la usa de cimicales de cultiva: matantes malerbal, insetisides, fungisides e fertilintes. En la desenio de 1960, on ia developa spesies de dona abundosa, spesial en la revolui verde de la Mundo Tre. Pos 1980, on ia aplica ibridi par metodos de injenia jenetical e controla de pestes par usa de cimicales e feromones. An tal, on ia ave un reata oposante alga formas de cultiva intensa par causa de la contamina e la destrui de abitadas. Un resulta de esta ia es un crese de metodos alternante, incluinte cultiva natural.

De pos 1970, on ia ave un propensa de evita la usa grande de jetas cimical e fertilintes. Esta metodos natural es desirable car nitrates de fertilintes ia es filtrinte en la acua de tera, e insetisides es trovada en consentras mortal a la pinta de la cadena de comeda. Alga matantes de malerba es culpada per malformis de nase. Ormones, cual on ia dona a bestias per promove la crese rapida, ave efetos danante a umanas. Metodos de cultiva intensa ia contribui a la erode de tera e contamina de acua. Estra en paises rica de petrolio e minerales, cultiva es la industria xef de la mundo developante. La esporta de produidas fundal como xocolada, peles cru, olio vejetal, fibres, te e cafe furni la fonte grande de revenu.