Boca
En anatomia de animales, la boca es la abrida tra cual multe animales prende comedas e produi sonas.
Lo es ance la caveta a la comensa de la sistem de dijesta, pos la labios e ante la farinje e conteninte, en la vertebratos plu alta, la lingua e la dentes. Alga animales, incluinte vertebratos, ave un sistem de dijesta, con la boca a un fini e un ano a la otra. Cual fini formi prima en ontojenia es un marca usada per clasi animales entre protostomas e deuterostomas.
En anatomia umana, la boca es la parte prima de la sistem de dijesta cual reseta comedas e produis saliva. La mucosa bocal es la membrana cual fore la interna de la boca. En ajunta a sua rol xef, en umanas la boca ave ance un rol sinifiante en comunica. An si la aspetas prima de la vose es produida en la garga, la lingua, labios, e mandibula es ance nesesada per produi la estende de sonas incluida en la linguas umana.
La boca es composada de du rejiones, la vestibula e la caveta propre. La boca, normal moiada, es foreda con un membrana mucosa, e conteni la dentes. La labios marca la traversa de la membrana mucosa a la pel, cual covre la plu de la corpo.
This article uses material from the Wikipedia Lingua franca nova article Boca, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.