Sistem De Dijesta
La sistem de dijesta, ance nomida la tubo gastrointestinal, es la sistem de organos cual prende comedas, dijesta los per estrae enerjia e materia nurinte, e esflue dejetadas nonusable.
La tubo gastrointestinal de un om adulte e normal ave sirca 7,5 metres de longia. Lo es composada de estas:
La tubo alta
- La boca (incluinte la glandes salival, la mucosa, la dentes, e la lingua)
- La farinje
- La esofago e cardia
- La stomaco (incluinte la antro, la piloro, e la sfinter piloral)
La tubo basa
- La intestin magra, en tre partes:
- La duodeno
- La jejuno
- La ileo
- La intestin spesa, ance en tre partes:
- La seco (con la apendis vermin)
- La colon (asendente, traversal, desendente, e colon sigmoide)
- La reto
- La ano
Otra organos de dijesta
La figato envia bile a la intestin magra tra la sistema bilal, usante la vesica bilal per un reserva.
La pancreas secrete un licuida cual conteni bicarbonato e enzimas diversa, incluinte tipsin, cimotripsin, lipase, amilase pancreal e enzimas nucleolital, en la intestin magra.
This article uses material from the Wikipedia Lingua franca nova article Sistem de dijesta, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.