Medjusloviansce

Lo es un forma modernida e simplida de la lingua slavonica vea de eglesa, desiniada per es comprendable per slavicas sin aprende presedente.

Medjusloviansce (medžuslovjansky, меджусловјанскы)
Creada par:	Vojtěch Merunka, Jan van Steenbergen e otras
Anio:	2006
Tota parlores:	±2600 en Facebook (2019)
Familia:	lingua construida  lingua aidante internasional   lingua aidante zonal
Fonte:	linguas slavica
State ofisial
Regulada par:	un comite de sinco persones
Sifras
ISO 639-1:	[1]
ISO 639-2:	[2]
ISO 639-3:	isv
SIL:	[3]
Mapa
Bandera de medjusloviansce
Vide ance: Lingua – Lista de linguas

Sentenio 9 ec
La frates San Ciril e San Methodio crea la lingua slavonic vea de eglesa e la alfabeta glagolitica per scrive lo.
1583
La prete corvatsce Šime Budinić ia tradui laboras de Petrus Canisius a slovignsky.
1658-65
La prete corvatsce Juraj Križanić ia scrive la gramatica prima de medjusloviansce (ruski jezik).
1826
La legist slovensce Ján Herkeľ ia publici la sua lingua slavica universal.
1865
La etnografiste e politiciste slovenian Matija Majar-Ziljski ia publici la sua ortografia mutua slavica.
1875–77
Matija Majar-Ziljski ia publici la jornal Slavjan en interslavica.
1907
La linguiste txesce Ignác Hošek ia publici Grammatik der Neuslawischen Sprache.
1954–58
Un grup de interlinguistes txesce, gidada par Jaroslav Podobský e Ladislav Podmele, ia labora sur un lingua interslavica (mežduslavjanski jezik).
2001
La slovensce Mark Hučko ia presenta a la interede la sua lingua slovio, cual ave un gramatica fundida sur esperanto con un vocabulo slavica.
2006
Ondrej Rečnik, Gabriel Svoboda, Jan van Steenbergen e Igor Poliakov ia comensa labora sur la projeta sloviansce (slovianski), inisial en tre varias: naturin, scemal e pijin, totas publicida a Langmaker.com.
Ondrej Rečnik ia crea un foro e un loca ueb de sloviansce.
2007
Gabriel Svoboda ia crea Slovianska gazeta, un difusa de novas en sloviansce a la interede.
Gabriel Svoboda ia crea la vici prima de sloviansce.
2008
La foro ia move a Zetaboards.
Langmaker.com ia sesa esiste, Jan van Steenbergen ia crea un loca ueb nova per sloviansce.
2009
Steeven Radzikowski, Andrej Moraczewski e Michal Borovička ia comensa labora sur la projeta sloviosce (slovioski), un varia plu naturin de slovio.
La informaticiste txesce Vojtěch Merunka ia publici la sua projeta neoslavonica (novoslovienskij jezik).
La varia naturalistic de sloviansce ia deveni ofisial.
2010
Jan van Steenbergen ia comensa labora sur slovianto, un forma simplida de sloviansce e sloviosce.
La projetas sloviance e sloviosce ia es fusada.
2011
Jan van Steenbergen ia reconstrui la lingua medjusloviansce sur funda de sloviansce, neoslavonica e alga projetas plu vea.
Vojtěch Merunka ia crea la difusa de novas Izviestija.info (plu tarda: Izvěsti.info).
Steeven Radzikowski ia crea la grup de Facebook de medjusloviansce.
2016
Michał Swat ia crea Vikisbornik, un colie de testos en medjusloviansce.
2017
La confere prima de la lingua medjusloviansce ia aveni a Nové Město en Txesco.
Un comite de sinco persones ia elimina la diferes ultime entre la linguas medjusloviansce e neoslavonica.
La jornal siensal Ethnoentomology ia comensa ajunta resomas en medjusloviansce a la sua articles.
2018
La numero prima de la jornal siensal en medjusloviansce Slovjani.info.
La confere du de la lingua medjusloviansce ia aveni a Nové Město e Hodonín en Txesco.
2019
La mostra prima su la Festival de Filma en Venezia de la filma La avia depinta dirijeda e produida par Václav Marhoul, en cual Medjusloviansce es parlada.
La confere tre de la lingua medjusloviansce a Praha (Txesco).

• Slovianto, un forma simplida de medjusloviansce

• Loca ueb de medjusloviansce
• Wiki de medjusloviansce
• Grup de Facebook de medjusloviansce
• Slovjani.info: Jornal en medjusloviansce
• Vikisbornik: Colie de testos