Urso

Los es clasida como caniformas – carnivores canin – e sua relatas la plu prosima es la penipedios (focas, morsas, etc). Sola oto spesies vivente de ursos esiste: los es vasta distribuida, e los abita locas multe diversa tra America Norde e Sude, Asia, e Europa.

La cualias comun de ursos moderna inclui un corpo grande, gamas spesa, un beco longa, un pelo rua, un coda corta, e pedes plantigrada con sinco garas retirable. Ses spesies es omnivores, con un dieta de multe varias de plantas, insetas, pexes, e otra animales. La urso blanca es un carnivor; la panda grande come cuasi sola bambu.

Ursos es jeneral solitar, con eseta de individuas corteante e madres con enfantes. Los es jeneral diurna, ma pote es ativa en la note o a lus prima o final, spesial cuando prosima a umanas. Ursos ave un capasia eselente de ole e, an si los es pesosa e pasea torpe, los pote core rapida e trepa e nada. En autono, alga spesies de ursos come cuantias grande de frutas fermentada, cual afeta sua condui. Ursos usa refujas como cavas e cavetas como nidos, en cual la plu de spesies abita tra la inverno per un periodo longa de dormi nomida la inverni.

• Familia Urside (spesies esistente)
  • Ailuropodine
    • Ailuropoda
      • Ailuropoda melanoleuca - panda grande
  • Tremarctine
    • Tremarcto
      • Tremarcto ornosa - urso ornosa o urso andean
  • Ursine
    • Helarcto
      • Helarcto malaian - urso malaian
    • Melurso
      • Melurso ursino - urso indian
    • Urso (jenera)
      • Urso american - urso negra o urso american
      • Urso arctos - urso brun
      • Urso maritimos - urso blanca o urso polal
      • Urso tibetan - urso negra asian o urso tibetan