Azerbaidžan (azerbaidžankielân Azərbaycan) teikkâ Azerbaidžan täsiväldi (azerbaidžankielân Azərbaycan Respublikası) lii siseennâmstaatâ Kaukasiast Kaspiameerâ riddoost.
Tot kulá sehe Euroopân já Aasian. Ton uáivikaavpug lii Baku.
Azerbaidžan täsiväldi Azərbaycan Respublikası (azerbaidžankielân) | |
---|---|
lippu | vaakun |
Staatâhäämi | täsiväldi |
President | Ilham Aliyev |
Uáiviminister | Ali Asadov |
Uáivikaavpug | Baku |
Vijđodâh | 86 600 km² |
– sisčääci | 4,6 % |
Ässeeloho (2019) | 10 127 874 |
– ässeesaahâdvuotâ | 115 ässed/km² |
Virgáliih kielah | azerbaidžankielâ |
Vaaluut | manat (AZN) |
Äigi | UTC+4 |
Jiečânâsvuotâ | |
– Sovjetlittoost | 30. porgemáánu 1991 |
Uánádâs | AZ |
– fiävruin | AZ |
– kirdemmašinijn | 4K |
Jotolâh | uálgispiälásâš |
Sundenummeer | +994 |
Internet TLD | .az |
Aalmuglâšlaavlâ | Azərbaycan marşı |
|
Azerbaidžan ránnjáenâmeh láá Georgia taveviestârin, Armenia já Turkki uárjin, Ruoššâ tavveen já Iran mäddin. Nuorttân Azerbaidžanist iä lah ránnjáenâmeh Kaspiameerâ tiet. Riddo lii 800 km kukke. Azerbaidžan kuhemus rääji lii Armeniain; tot lii 1 007 km kukke. Uánihumos lii 15 km rääji Turkkijn.
Azerbaidžanist láá 3 tullâvääri. Tain alemus lii Böyük İşıqlı (3 552 m). Ij lah tiäđust, kuás ton majemuš russoom lâi. Eres tullâväärih láá Axarbaxar, mon majemuš russoom lâi ive 778 oKr., já Qarqar, mon majemuš russoom lâi suulân ive 3000 oKr.
Azerbaidžan vuáđulaavâ artikla 21(1) mield riijkâst lii tuše ohtâ virgálâš kielâ ađai azerbaidžankielâ, mon sárnuh ive 2009 aalmugrekinistem mield 92,5 % azerbaidžanlijn eenikielânis. Siämmáá laavâ mield jis azerbaidžanliih sárnuh eres kielâid, te sist lii meid vuoigâdvuotâ kevttiđ já ovdediđ jieijâs kielâ.
Käldee: Wikidata
Azerbaidžan juáhhoo 66 kuávlun (rayonlar) já 12 kaavpugân (şəhərlər), main 7 kuávlud já ohtâ kaavpug láá Nahitševan autonomisii täsivääldist.
|
Nahitševan autonomisâš täsiväldi
|
|
This article uses material from the Wikipedia Anarâškielâ article Azerbaidžan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.