تەوەکەل کرمان

ئەوە ڕێبەرایەتی گرووپی «ژنانی ڕۆژنامەنووسی بێ زنجیر» کرد، کە خۆی لە ساڵی ٢٠٠٥ یەکێک بوو لە دامەزرێنەران. لە ساڵی ٢٠١١، بووە ڕوخسارێکی ناسراو لەسەر ئاستی نێونەتەوەیی ئەمەش لەگەڵ ھاتنی بەھاری عەرەبی بوو بۆ یەمەن. لەلایەن ھەندێ لە یەمەنییەکان بە «ژنی پۆڵاین» یانیش «دایکی شۆڕش» ناوی دەھێنرێت. ئەو لە ساڵی ٢٠١١، بەھاوبەشی خەڵاتی نۆبێلی لە ئاشتی پێدرا، بەمەش بووە یەکەم یەمەنی، یەکەم ژنە عەرەب، و دووەم ژنە موسڵمان ئەو خەڵاتە وەربگرێت.

تەوەکەل کرمان
توکل کرمان
لەدایکبوون	(١٩٧٩-٠٢-٠٧) ٧ی شوباتی ١٩٧٩ (تەمەن ٤٥ ساڵ) یەمەن
نەتەوە	یەمەنی
شارۆمەندێتی	تورکی - یەمەنی
خوێندنگە	Sanaa University University of Science and Technology
پیشە	ڕۆژنامەنووس
حیزبی سیاسی	ئەل-ئیسلاح
بزاڤ	شۆڕشی توونس
ئایین	ئیسلام – سوننە
ھاوسەر	محەممەد نەعیمی
مناڵ(ەکان)	سێ
باوان(ەکان)	عەبدولسەلام کرمان
خزمەکان	تاریق کرمان (برا) سەفا کرمان (خوشک)
خەڵاتەکان	خەڵاتی نۆبێل (٢٠١١)

کەرمان ھەڵگری بڕواننامەی بەکالۆریۆسە لە بەشی زانستە سیاسییەکان لە زانکۆی سەنعا. لە ساڵی ٢٠١٢، لەلایەن زانکۆی ئەلبەرتا لە کەنەدا، بڕواننامەی دکتۆرای شانازی لە بواری یاسای نێونەتەوەیی پێدرا.

تەوەکەل لە ساڵی ٢٠٠٥ لەناو وڵاتەکەی ناوبانگی دەرکرد، ئەمەش لەوکاتەبوو کە خەریکی کاری پارێزەری و ڕۆژنامەوانی دەبوو، چەندجارێک پێشەوایەتی کردووە لە گردبوونەوە لەپێناو ئازادی کاری ڕۆژنامەوانیی لە یەمەن، دواتر لە ساڵی ٢٠٠٩ ناڕەزایییەکانی بەرفراوانتر کرد بۆ ئامانجی ئازادی. ئەو داوای لە یەمەنییەکان دەکرد کە پشتگیری لە «شۆڕشی یاسەمین» بکەن، دواتر زوو داوای بەھاری عەرەبی دەکرد لە وڵاتەکەی ئەمەش لەپاش کانوونی دووەمی ٢٠١١ بوو کاتێک کە زەینەلعابدین کوڕی عەلی خۆی لە پۆستی سەرۆککۆماری تونس کشاندەوە، لەئەنجامی ناڕەزایییەکانی ئەو وڵاتە.

• وێبگەی فەرمی
• دەرکەوتن لە C-SPAN
• تەوەکل کرمان چاوپێکەوتنی لەگەل ئەلجەزیرە. لە یووتیووب
• کۆنفرانسی رۆژنامەوانی بۆ ساڵی ٢٠١١ خەڵاتی نۆبێل، تەوەکل کارمان. لە یووتیووب
• تەوەکەل کرمان on Nobelprize.org  
• کارمان دکتۆرای فەخری وەردەگرێ لە یاسای نێودەوڵەتی لە زانکۆی ئەلبێرتا، کەنەدا لە یووتیووب

•  دەروازەی ژیاننامە
•  دەروازەی ژن
•  دەروازەی ئیسلام
•  دەروازەی سیاسەت
•  دەروازەی مافەکانی مرۆڤ