تیۆریی تەقینەوە گەورەکە

لە ٢٤ی ئەیلوولی ٢٠٠٧ لەسەر سی بی ئێس بۆ یەکەم جار پەخشکرا، و لە ١٦ی ئایاری ٢٠١٩، بە ٢٧٩ ئەڵقە بەدرێژایی ١٢ وەرز، هەڵوەشێنرایەوە.

تیۆریی تەقینەوە گەورەکە
چەشن	سیتکەم
دانەر	Chuck Lorre Bill Prady
دەرھێنەر	Mark Cendrowski
ئەکتەران	Johnny Galecki Jim Parsons Kaley Cuoco Simon Helberg Kunal Nayyar Sara Gilbert Mayim Bialik Melissa Rauch Kevin Sussman Laura Spencer
بابەتی مۆسیقای ئاوازدانەر	Barenaked Ladies
بابەتی کردنەوە	"Big Bang Theory Theme"
وڵاتی بەرھەمھێنەر	ویلایەتە یەکگرتووەکان
زمان	ئینگلیزی
ژمارەی وەرزەکان	۱۲
ژمارەی ئەڵقەکان	۲۷۹ (پێرستی ئەڵقەکان)
بەرھەمھێنان
بەرھەمھێنەری جێبەجێکەر	Chuck Lorre Bill Prady (both; entire run) Lee Aronsohn (2007–11) Steven Molaro (2011–19) Eric Kaplan Maria Ferrari Dave Goetsch (all; 2016–19)
بەرھەمھێنەر(ان)	Faye Oshima Belyeu
مۆنتاژ	Peter Chakos
کامێرا	Multi-camera
ماوەی پەخش	۱٨-۲۲ خولەک
کۆمپانیای بەرھەمھێنەر	Chuck Lorre Productions Warner Bros. Television
دابەشکەر	Warner Bros. Television Distribution
پەخش
تۆڕ	CBS
فۆرماتی وێنە	HDTV 1080i
فۆرماتی دەنگ	Dolby Digital 5.1
بڵاوبوونەوەی ڕەسەن	٢٤ی ئەیلوولی ٢٠٠٧ (2007-09-24) – ١٦ی ئایاری ٢٠١٩ (2019-05-16)
ڕیزبەندی کاتی
بەرنامە پەیوەندیدارەکان	Young Sheldon

نمایشەکە لە سەرەتادا سەرنجدەخاتە سەر پێنج کەس کە لە پاسادینای کالیفۆرنیا دەژین: لێۆنارد هۆفستادتەر (جۆنی گالیکی) و شێڵدۆن کووپەر (جیم پارسۆنز) کە هەردووکیان فیزیکزانن لە کاڵتیچ، کە هاوبەشی شوقەیەک دەکەن؛ و پێنی (کاڵی کوکۆ)، گارسۆنێک و ئەکتەرێکی بەهیوا لە شوقەی بەرامبەر دەژی؛ و هاوڕێ سەیروسەمەر و شەرمەزارە کۆمەڵایەتییەکانی لیونارد و شێڵدۆن و هاوکارەکانیان، ئەندازیاری فڕۆکەوانی هۆوارد وۆڵۆویتز (سیمۆن هێڵبێرگ) و ستێرفیزیک ڕاج کووسراپاڵی (کوناڵ نەیار). لەگەڵ کاتدا، هەندێک کەسایەتی پاڵپشتیکەر بۆ سەرەکی بەرزکرانەوە، زانای مێشک ئەیمی فەرەح فۆوڵەر و (مایەم بیالیک) زیندەوەرزانی ورد بێرنەدەیت ڕۆستێنکۆوشکی (مێڵیسا ڕاچ) و خاوەنی دووکانی کتێبی کۆمیک ستوارت بڵووم (کێڤن سوسمان) دەگرێتەوە.

نمایشەکە لە بەرامبەر ستۆدیۆی بینەر تۆمارکراوە، و لەلایەن ستۆدیۆکانی تەلەڤیزیۆنی واڕنەر بڕازەرز و بەرهەمهێنانەکانی چەک لۆری بەرهەمهێنراوە. بەسەرداچوونەوەی تێکەڵی وەرگرت بۆ وەرزی یەکەمی، بەڵام لەگەڵ وەرزی دووەم و سێیەمدا زیاتر ئەرێنی وەرگرت. لەگەڵ ئەوەی بەسەرداچوونەوەی تیکەڵی هەبوو، حەوت وەرزەکان لەنێو دە باشترین لە نرخاندنی کۆتایی وەرزەکاندا نرخێنرا، لە کۆتاییدا گەیشتە ژمارە ١ی یازدە وەرزەکانی. زنجیرەکە ١٠١١ بۆ ٢٠١٤ بۆ خەڵاتی ئێمی پڕایم تایم بۆ باشترین زنجیرەی کۆمیدی پاڵێورا و خەڵاتی ئێمی پڕایم تایم بۆ باشترین ئەکتەر لە زنجیرەیەکی کۆمیدی چوار جار بۆ پارسۆنز بردەوە. لە کۆتاییدا، زنجیرەکە حەوت خەڵاتی ئێمی لە ٤٦ پاڵاوتن بردەوە. پارسۆنز هەروەها گۆڵد گڵۆبی بۆ خەڵاتی گۆڵدن گڵۆب بۆ باشترین ئەکتەر لە زنجیرەیەکی مۆسیقی یان کۆمیدی لە ٢٠١١دا بردەوە. لە ٢٠١٧دا، زنجیرەکە زنجیرەیەکی پێشەکی بەرهەمهێنا، شێڵدۆنی بچووک، کە لەسەر کەسایەتییەکەی پاسۆنز شێڵدۆن کووپەر دروستکرا و هەر لەسەر سی بی ئێس پەخشکرا. پایڵتێکی جیاواز بۆ وەرزی تەلەڤیزیۆنی ٢٠٠٦-٠٧ بەهەمهێنرا بەس پەخشنەکرا.

 

ئەڵقەی پایڵتی زنجیرەکە لە ٢٤ی ئەیلوولی ٢٠٠٧ بۆ یەکەم جار پەخشکرا. ئەمەیان دووەم پایڵت بوو بۆ نمایشەکە بەرهەمبهێنرێت. شێوەی پایڵتە پەخشنەکراوە لە پایڵتەکە جیاوازبوو. تەنها کەسایەتی سەرەکی کە لە هەردوو پایڵتەکەدا مانەوە لێۆنارد هۆفستادتەر (جۆنی گالیکی) و شێڵدۆن کووپەر (جیم پارسۆنز)، کە لەسەر شێڵدۆن لێۆنارد ناوینراوە، کە کەسایەتییەکی گەورەی تەلەڤیزیۆنی بوو وەک بەرهەمهێنەر و دەرهێنەر و ئەکتەر. کەسایەتییەکی لاوەکی، ئەلیسیا (ڤێنی واتسۆن جۆنسۆن)، لە دیمەنی سەرەتایی هەردوو پایڵتەکە دەرکەوت کە بەشێوەیەکی گشتی وەک خۆی مایەوە. پایڵتی یەکەم دوو کەسایەتی مێینەی سەرەکی تێدابوو - کەیتی، "ژنێکی ڕەقی جادەی خاوەن جێگیرییەکی ناوەکی لاواز" (لەلایەن ئەکتەری کەنەدی ئەماندا واڵاش ڕۆڵەکەی گێڕدرا)، و جیڵدا، هاوکارێکی زانا و هاوڕێی کەسایەتییە سەرەکییە نێرەکان (لەلایەن ئایریس باهر ڕۆڵی گێڕدراوە). شێڵدۆن و لێۆنارد کەیتی دوای جیابوونەوە لە هاوڕێ کوڕەکەی دەبینن، و بۆ هاوبەشیکردنی شوقەکەیان بانگی دەکەن. بینەرەکانی تاقیکردنەوە نەرێنییانە وەڵامی کەیتییان دایەوە، بەڵام شێڵدۆن و لێۆناردیان خۆشویست. پایڵتی یەکەم گۆرانییە سەرکەوتووەکەی تۆماس دۆڵبی «کوێری کردم بە زانست» وەک گۆرانی کردنەوە بەکارهێنا.

لەگەڵ ئەوەی پایڵتی یەکەم هەڵنەگیرایەوە، بەڵام دروستکەرەکانی هەلی دروستکردنەوەی و بەرهەمهێنانی پایڵتێکی تریان پێدرا. ئەکتەرە ماوەکانیان هێنا و نمایشەکەیان بۆ شێوەی کۆتایی ڕێکخستەوە. کەیتی بە پێنی (کاڵی کوکۆ) گۆڕی. پایڵتەکەی یەکەم جار هەرزگیز بە فەرمی بڵاونەکرایەوە، بەڵام لەسەر ئینتەرنێت ئاڵوگۆڕ کرا. لە پێشکەوتنی نمایشەکەدا، چەک لۆری وتی «ئێمە پێش دەوری دوو ساڵ و نیو 'پایڵتی تەقینەوە گەورەکەمان' کرد، وە خراب بوو … بەڵام دوو شتی سەرنجڕاکێش هەبوو بە نایابی کاری دەکرد، ئەویش جۆنی و جیم بوو. ئێمە شتەکەمان بە تەواوەتی نووسیەوە، و دواتر بە کاڵی و سیمۆن و کوناڵ پیرۆزکراین». دەربارەی ئەوەی کا ئایە جیهان پایڵتە سەرەتاییەکە دەبینێت لە دەرچوونی دیڤیدیی داهاتوو، لۆری وتی «واو، ئەوە شت دەبێت. دەبینین. شکستەکانت پیشان بدەن...»

پایڵتی یەکەم و دووەم لەلایەن جەیمس بورۆز دەرهێنرا، بەڵام لەگەڵ نمایشەکەدا بەردەوام نەبوو. پایڵتی دووەمی نوێکراوە بووە هۆی داواکردنی ١٣ ئەڵقە لەلایەن سی بی ئێس لە ١٤ی ئایاری ٢٠٠٧. پێش پەخشکردنی لەسەر سی بی ئێس، ئەڵقەی پایڵتەکە لەسەر دووکانی ئای تیونز بە بەلاش پەخشکرا. نمایشەکە بۆ یەکەم جار لە ٢٤ی ئەیلوولی ٢٠٠٧ پەخشکرا، و لە ١٩ی تشرینی یەکەمی ٢٠٠٧ بە ٢٢ ئەڵقە هەڵگیرایەوە. نمایشەکە لە بەرامبەر نمایشی زیندوو تۆمارکرا، نمایشەکە لەلایەن ستۆدیۆکانی تەلەڤیزیۆنی واڕنەر بڕازەرز و بەرهەمهێنانەکانی چەک لۆری بەرهەمهێنراوە. بەرهەمهێنان لە ٦ی تشرینی دووەمی ٢٠٠٧دا لەبەر مانگرتنی سەندیکای نووسەرانی ئەمریکا وەستا. دوای نزیکەی سێ مانگ، لە ٤ی شوباتی ٢٠٠٨دا، زنجیرەکە بۆ ماوەیەکی کورت بە زنجیرەی بەخێربێیت بۆ کاپتن گۆڕدرا. لە کۆتاییدا زنجیرەکە لە ١٧ی ئازاری ٢٠٠٨ لە کاتێکی زووتردا گەڕایەوە، و لە کۆتاییدا تەنها ١٧ ئەڵقە بۆ وەرزی یەکەم بەرهەمهێنرا.

دوای تەواوبوونی بایکۆتەکە، نمایشەکە بۆ وەرزی دووەم هەڵگیرایەوە، لە وەرزی ٢٠٠٨-٢٠٠٩ پەخشکرا، و لە ٢٢ی ئەیلوولی ٢٠٠٨ لە هەمان کاتی پێشتر دەستی بە پەخشکردن کرد. لەگەڵ زیادبوونی نرخاندنەکان، نمایشەکە بۆ دوو ساڵ لە وەرزی ٢٠١٠-٢٠١١ لە ٢٠٠٩دا نوێکرایەوە. لە ٢٠١١دا، نمایشەکە بۆ سێ وەرزی تر نوێکرایەوە. لە ئازاری ٢٠١٤دا، نمایشەکە دیسانەوە بۆ سێ ساڵی تر لە ڕێگەی وەرزی ٢٠١٦-١٧ نوێکرایەوە. ئەمە دووەم جار بوو نمایشەکە بۆ سێ ساڵ نوێبکرێتەوە. لە ئازاری ٢٠١٧دا، زنجیرەکە بۆ دوو وەرزی تر نوێکرایەوە، و گەیاندییە کۆکراوەی ١٢ وەرز، و بە درێژایی وەرزی تەلەڤیزیۆنی ٢٠١٨-١٩ پەخشکرا.

زۆرێک لە ئەکتەرانی بیردۆزی تەقینەوە گەورەکە پێشتر لە سیتکەمی ڕۆزان بەیەکەوە بەژداریان کردبوو، کە جۆنی گالیکی، و سارا گیڵبێرت، و لوری مێتکاف (کە ڕۆڵی دایکی شێڵدۆنی گێڕا) و میگن فای (کە ڕۆڵی دایکی بێرنەدەیتی گێڕا). هەروەها، لۆری لە چەند وەرزێکی زنجیرەکەدا نووسەر بوو.

ڕاوێژکاری زانست

دەیڤد ساڵتزبێرگ، پڕۆفیسۆرێکی فیزیا و ئەستێرەناسی لە زانکۆی کالیفۆرنیا، بەسەر سیناریۆ چوویەوە و گوفتوگۆ و هاوکێشەی بیرکارییانە و وێنەی هێڵکاری وەک پاڵشتیکەر پێشکەش کرد. بەپێی بەرهەمهێنەری جێبەجێکار/یەکێک لە دروستکەرەکان بیڵ پرادی «ئێمە لەسەر پێدابی کارێکی ڕاستەقینە شێڵدۆن کار دەکەن کە ئەو بە درێژایی وەرزی [یەکەم] خەریکی شیکارکردنی بێت تا بەرەوپێشتوونی ڕاستەقینە لە دەستەی بەڕێوبردن هەبێت … ئێمە زۆر قورس کارمان کرد تا زانستەکە بەڕاستی وەربگرین.» دەیڤد ساڵتزبێرگ، کە لە فیزیادا دکتۆرای هەیە، وەک ڕاوێژکاری زانست بۆ شەش وەرز خزمەتی کرد و ئامادەیی هەموو تۆمارکردنێک بوو. ئەو سیناریۆی پێشکەشنەکراوی دەبینی کە زانیاری زانستی پێویستبوو بۆی زیادبکرێت، پاشان ئاماژەی بۆ هەڵەی نووسەرەکان دەبرد، کە خۆشیان زانستیان دەزانی. ئەو زۆربەی کات لە تۆمارکردن پێویست نەبوو مەگەر زۆرێک لە زانست، بەتایبەتی بۆ بۆردە سپییەکە، تێیدابێت.

ساڵتزبێرگ هەندێک جار پێویستی بە یارمەتی دەبوو لە زیندەزانی لە مایەم بیالیک، کە دکتۆرای لە زانستی دەماردا هەیە.

گۆرانی دەستپێک و کۆتایی

 

باندی بەیرنەیکد لەیدیس کەنەدیی ئاڵتەرنەتڤ ڕۆک گۆرانی دەستپێک و کۆتایی نووسی و تۆماریکرد، کە تێیدا مێژوو و دروستبوونی گەردوون و زەوی تێدایە. لۆری و پرادی داوایان لە گۆرانیبێژی سەرەکی ئێد ڕۆبەرتسۆن کرد گۆرانی دەستپێک و کۆتایی بۆ نمایشەکە بنووسێت دوای ئەوەی بەرهەمهێنەرەکان ئامادەی ئاهەنگێکی باندەکەبوون لە لۆس ئانجلەس. بەڕێکەوت، ڕۆبەرتسۆن کتێبی تەقینەوە گەورەکەی سیمۆن سینگ خوێندبووە، و لە ئاهەنگێکدا دەربارەی ڕاستی گەردوون بەشێوەی ئازادی ڕاپ لەسەری دووا. دوای ماوەیەکی کورت لێی لۆری و پرادی پەیوەندیان پێوەکرد و داوای نووسینی گۆرانی دەستپێکیان لێ کرد. لەبەر ئەوەی پێشتر دەربارەی نووسینی گۆرانی بۆ فیلم و نمایش پێی وترابوو، بەڵام بە ڕەتکردنەوەی تەواو دەبوو لەبەر ئەوەی بەرهەمهێنەرەکان گۆرانی هونەرمەندانی تریان بەدڵدەبوو، ڕۆبەرتسۆن تەنها ئەو کاتەی دەزانێت کە لۆری و پرادی تەنها بەویان وتووە ڕازی دەبێت.

٩ی تشرینی یەکەمی ٢٠٠٧دا، گۆرانییەکە بە تەواوی (١ خولەک و ٤٥ چرکە) بە بازرگانی دەرچوو. لەگەڵ ئەوەی هەندێک لاپەڕەی نافەرمی ناوی گۆرانییەکە بە «مێژووی هەموو شتێک» تۆمار دەکات، بەرگی هونەریی بۆ دیاریکردنی ناونیشانەکە بە «گۆرانی دەستپێکی بیردۆزی تەقینەوە گەورەکە» دیاری دەکات. مۆسیقایەکی ڤیدیۆیی هەروەها لە ڕێگەی تایبەتمەندی تایبەت لەسەر دیڤیدییەکی تەواوی وەرزی چوارەمی زنجیرەکە و بلو رەی دەرچوو. گۆرانی دەستپێکەکە خرایە ناو سەرکەوتوترین ئەلبوومی باندەکە، سەردان لە دوێنێ و ڕۆژی پێشتری، لە ٢٧ی ئەیلوولی ٢٠١١ دەرچوو. لە ئەیلوولی ٢٠١٥دا، تی ئێم زێد چەند بەڵگەنامەیەکی دادگای ئاشکراکرد تێیدا دەردەکەوێت ستیڤن پەیج، ئەندامێکی پێشووی باندەکەی ڕۆبەرتسۆن، لەسەر گۆرانییەکە داوای بەرزکردۆتەوە، دەڵێت بەڵێنی لە ٢٠٪ لە داهاتەکانی پێدراوە، بەڵام ڕۆبەرتسۆن بۆخۆی هەڵگرتووە.

مووچەی ئەکتەرەکان

بۆ سێ وەرزی یەکەم گالیکی و پارسۆنز و کوکۆ، سێ کەسایەتی سەرەکیی وەرزەکە، بۆ هەر ئەڵقەیەک ٦٠.٠٠٠$ وەرگرت. مووچەکەیان بۆ وەرزی چوارەم بۆ ٢٠٠.٠٠٠$ بەرزبووەوە، پاشان تا سێ وەرز بۆ هەر وەرزێک ٥٠.٠٠٠ تر چووە سەر موچەکەیان، تا لە وەرزی حەوتەمدا گەیشتە لوتکە بە ٣٥٠.٠٠٠$ بۆ ئەڵقەیەک. لە ئەیلوولی ٢٠١٣دا، بیالیک و ڕاوچ دانوستانیان لەسەر ڕێکەوتنەکانیان لە ٢٠١٠ەوە کردەوە. لە ڕێکەوتنە کۆنەکانیاندا، هەر یەکێک لێیان ٢٠.٠٠٠-٣٠.٠٠٠$ بۆ ئەڵقەیەک دەست دەکەوت، لە کاتێکدا لە ڕێکەوتنە نوێکاندا دووقاتیان وەردەگرت، و بە ٦٠.٠٠٠$ دەستیان پێکرد، تا گەیشتنە کۆتاییی ڕێکەوتنەکە بە ١٠٠.٠٠٠$ بۆ هەر یەکێکیان، هەروەها لەگەڵیدا زیادکردنی ساڵی نوێی لەسەر بێت.

لەگە گەیشتن بە وەرزی حەوتەم، گالیکی و پارسۆنز و کوکۆ ٠.٢٥ی پارەی پشتەوەی زنجیرەکەیان وەردەگرت. پێش ئەوەی بەرهەمهێنانی وەرزی هەشتەم دەست پێبکات، سیانەکە لەگەڵ هێڵبێرگ و نەیار دەیانویست ڕێکەوتنەکەیان نوێ بکەنەوە، لەگەڵیدا گالیکی و پارسۆنز و کوکۆ ١$ میلیۆنیان دەویست بۆ ئەڵقەیەک، هەروەها پارەی زیاتری پشتەوەیان دەویست. ڕێکەوتنەکان لە سەرەتای ئابی ٢٠١٤دا واژووکران، و بە سێ ئەکتەرە سەرەکییەکە بۆ هەر ئەڵقەیەک نزیکەی ١$ میلیۆن پێدان بۆ سێ ساڵ، و ئەگەری ئەوەش هەبوو بۆ چوار ساڵ درێژبکرێتەوە. ڕێکەوتنەکە هەروەها پارچەی گەورەتا لە نمایشەکە، و خەڵاتی گۆرانی، ڕێکەوتنەکانی بەرهەمهێنان، و قوڵبوونەوە بەرەو کۆتایییەکانی پشتەوە دەگرێتەوە. هێڵبێرگ و نیار هەروەها توانیان بەسەر ڕێکەوتنەکانیاناد بچنەوە، بۆ هەر ئەڵقەیەک ژمارەیەکی شەش ڕەقەمی وەرگرن، بۆ نزیکەی ١٠٠.٠٠٠ بۆ ئەڵقەیەک بەرزبووەوە کە لە ساڵانی پێشوودا وەریان دەگرت. دووەکە، کە دەیانویست موچەکەیان لەگەڵ گالیکی و پارسۆنز و کوکۆ یەکسان بکەنەوە، واژوویان لەسەر ڕێکەوتنەکە کرد دوای ئەوەی ستۆدیۆکە هەڕەشەی نووسینی کەسایەتی نوێ لە دەرەوەی زنجیرەکە کرد ئەگەر ڕێکەوتنەکە پێشهاتنی کاتی بەرهەمهێنانی وەرزی هەشتەم واژوو نەکرێت. لەگەڵ هاتنی وەرزی دەیەمدا، هێڵبێرگ و نیار گەیشتنە ١$ میلیۆن بۆ ئەڵقەیەک کە لەگەڵ گالیکی و پارسۆنز و کوکۆ یەکسان بوونەوە لەبەر ڕێکەوتنەکەیان لە ٢٠١٤دا.

لە ئازاری ٢٠١٧دا، پێنج کەسایەتی سەرەکی (هێڵبێرگ و نیار و گالیکی و پارسۆنز و کوکۆ) لە سەدا ١٠ی مووچەکەیان کەمکردەوە تا ڕێگەبدەن بیالیک و ڕاچ داهاتەکەیان زیادبکات. ئەمە هێڵبێرگ و نیار و گالیکی و پارسۆنز و کوکۆ خستە نزیکەی ٩٠٠.٠٠$ بۆ ئەڵقەیەک، و لەگەڵیدا گالیکی و پارسۆنز و کوکۆ ڕێکەتنەکانی تەلەڤیزیۆنی واڕنەر بڕازەرز وەردەگرت. لەگەڵ گەیشتن بە کۆتاییی نیسان، بیالیک و ڕاچ ڕێکەوتنیان بە ٥٠٠.٠٠٠$ بۆ ئەڵقەیەک واژوو کرد. ڕێکەوتنەکە وای مووچەی دوانەکە کرد لە ١٥٠.٠٠٠-٢٠٠.٠٠٠$ بۆ ئەڵقەیەک زیادبکات بۆ ئێستای.

زانست

زۆربەی زنجیرەکە سەرنج دەخاتە سەر زانست، بەتایبەتی فیزیا. هەر چوار کەسایەتییە سەرەکییە نێرینەکانی زنجیرەکە لە کاڵتیچ کار دەکەن و لە ئیشی پەیوەندیدار بە زانستەوە کار دەکەن، هەروەها بێرنەدەیت و ئەیمی لە بواری زانستیدا کار دەکەن. زۆربەی کات کەسایەتییەکان دەربارەی بیردۆزی زانستی یان هەواڵەکان (بە تایبەتی لەسەرەتای دەستپێکردنی ئەڵقەکاندا) گاڵتە دەکەن و گاڵتەی زانستی دەکەن.

زانست هەروەها تێکەڵی ژیانی ڕۆمانسیی کەسایەتییەکان دەبێت. لێزڵی لە لێۆنارد جیادەبێتەوە کاتێک لێۆنارد لە پشتی سێڵدۆن دەگرێت لە بارەی بیردۆزی تەزوو لەباتی کێشکردنی ئەڵقەی گەردیلەیی. کاتێک لێۆنارد لەگەڵ شێڵدۆن هاوار و رافدا بۆ بەستەڵەکی باکوور دەڕۆن بۆ گەشتێکی زانستی، لێۆنارد و پێنی ناچار دەبن لێکدوور بکەونەوە ئەمەش کاتێک پەیوەندییەکەیان بەرەوپێشتوون پیشان دەدات. ئەو کاتەی بێرندایت گرنگی بە کارەکەی لێۆنارد دەدات، هەر یەکێک لە هاوارد و پێنی ئیرەیی دەیانگرێت، هاوارد ڕووبەڕووی لێۆنارد دەبێتەوە و پێنی داوای فێرکردنی فیزیا لە شێڵدۆن دەکات. هەروەها شێڵدۆن و ئەیمی بۆ ماوەیەک پەیوەندییەکەیان کۆتایی پێهێنا لەبەر وتووێژێک لەسەر ئەوەی کام بوواریان بەرزترە.

میدیای "نێرد"

 

هەر چوار کەسایەتییە سەرەکییەکە برسی خەیاڵی زانستی و فەنتازیان، ئاشقی کتێبە کۆمیکسەکانن و کۆکەرەوەی کەلوپەلی سەیروسەمەرن.

ستار ترێک، بابەتێکی بەناوبانگی ناو زنجیرەکەیە، شێڵدۆن بەهێزانە هۆگری کەسایەتی سپۆکە، ئەوەندە کە دەستەسڕێکی واژووکراوی لێۆنارد نیمۆی وەک دیاری چەژنی کریسمەس لەلایەن پێنییەوە پێیدرا ئەو نقوومی وروژان و سووپاسگوزاری دەبێت («من دی ئێن ئەی لێۆنارد نیمۆیم لایە؟!»). ئەکتەرانی ستار ترێک: زە ئۆرجیناڵ ستۆری ویڵیام شەتنەر و جۆرج تاکی دەرکەوتنیان ئەنجامدا، لێۆنارد نیمۆی وەک دەنگی کەسایەتییە خۆشەویستەکەی شێڵدۆن میستەر سپۆک دەرکەوت. ئەکتەرانی ستار ترێک: نەوەی دواتر برێنت سپینەر و لێڤار بورتۆن وەک خۆیان دەرکەوتن، وێڵ وێتۆن وەک کەسایەتییەکی خۆی بۆ نمایشەکە گەڕایەوە. لێۆنارد و شێڵدۆن چەند جارێک بە زمانی کڵینگۆن قسەیان کردووە.

هەروەها سەرسامبووانی جەنگی ئەستێرەکان و باتڵستار گالاکتیکا و دکتۆر ھو هەن، و جەیمس ئێڕڵ جۆنز و کاری فیشەر و ماڕک هامیڵ دەرکەوتنی میوانیان ئەنجامدا. لە ئەڵقەی «بڵاوبوونەوەی ترسی باڵنە»دا، کاتێک دواخستنێک لە سەیرکردنی ستار ترێک لەسەر بلە رەی ڕوودەدات، هاورد ناڕەزای دەردەبڕێت و دەڵێت «ئەگەر زوو سەیری نەکەین، جۆرج لوکاس دیسانەوە دەیگۆڕێتەوە» (مەبەستی گۆڕانکارییەکانی لوکاسە لەسەر فیلمەکان). لە «لادانی تڕۆڵە گەرمەکە»دا، کاتی ساکۆفی باتڵستار گالاکتیکا وەک کچی خەونەکانی هاورد دەرکەوت. کەسایەتییەکان حەزوئارەزووی جیاوازیان هەیە بۆ زنجیرەکان، وەک پیاهەڵدانی شێڵدۆن بۆ فایەرفڵای و ناڕەزای بۆ حەزی لێۆنارد بۆ بابیلۆن ٥. بۆ خەیاڵیش، چوارەکە بە بەردەوامی ئاماژە بۆ فیلمەکانی شای ئەنگوستیلەکان و هاری پۆتەر دەکەن. هەروەها هاورد دەتوانێت سیندرەین قسە بکات، کە یەکێک لە دوو زمانی ئێلڤێژی فیلمەکانی شای ئەنگوستیلەکانە.

ڕۆژانی چوار شەممە «ڕۆژی کتێبی کۆمیکس»ی گروپەکەیە، لەبەر ئەوەی لەم ڕۆژەدا حەفتانە کتێبی کۆمیکسی نوێ بڵاودەبێتەوە. ئەو دوکانەی کۆمیکەکان کە ئەوان بۆی دەچن لەلایەن هاوڕێ نێردەکەیان ستوارت بەڕێودەبرێت. لە هەندێک لە بۆنەدا، کەسایەتییەکان جلی کەلتووری پۆپیان لەبەرکرد، کە فلاش و ئاکوامان و فرۆدۆ باگنز و سووپەرمان و باتمان و سپۆک و دکتۆرەکە و گرین لانتێرن و تۆر دەگرێتەوە. کاتێک گرەوێک لەگەڵ ستوارت وێڵ وێتۆندا دەدۆڕێنن، گروپەکە ناچار دەکرێن وەک ژنی پشیلە و وەندەر ومن و کچی شەمشەمەکوێرە و سووپەرگێرڵ جل لەبەر بکەن. دی سی کۆمیکس ڕایگەیاند کە، بۆ ڕیکلامکردن بۆ کۆمیکەکانی، کۆمپانیاکە سپۆنسەری شێڵدۆن دەکات کاتێک تی شێرتی گرین لانتێرنی لەبەرە.

چەند جۆرێک یاری جیاواز پێشکەش کرا، و هەروەها ئاماژەی بۆ کرا، لە زنجیرەکەدا (نموونە: وۆرد ئۆف وەرکرافت، و هێلۆ، و ماریۆ، و دۆنکی دۆنگ و هیتر)، تێیدا یارییە فەنتازیاکانی وەک میستیک وارلۆردس ئۆف کا (کە لە ٢٠١١دا بوو بە ڕاستی) و بەرد-وەرەقە-مەقەست بە شێوەی خۆیان دەگرێتەوە.

پەیوەندی لێۆنارد و پێنی

پەیوەندی شێڵدۆن و ئەیمی

"سۆفت کیتی"

لە نمایشەکەدا، شێڵدۆن باسی گۆرانییەکەی کردووە وەگۆرانییەک کە دایکی کاتێک نەخۆش دەبێت بۆی دەڵێت. زۆرێتی دووبارەبوونەوەی گۆرانییەکە لە زنجیرەکەدا وای لێکرد بەناوبانگ بێت. گرتەیەک ڕەچەڵەکی گۆرانییەکە پیشان دەدات لە منداڵی شێڵدۆندا لە ئەڵقەیەکی شێڵدۆنی بچووک تۆمارکرا، کە لە ١ی شوباتی ٢٠١٨دا پەخشکرا. و تێیدا دایکی شێڵدۆن ماری پیشان دەدات بۆ کوڕەکەی گۆرانییەکە دەڵێت، کە ئەنفلۆنزای هەیە.

دایکی هاورد

لەو گرتانەی لە ماڵی هاورد تۆمارکراوە، لەگەڵ دایکە کەم بینراوەکەی مامەڵە دەکات (لەلایەن کارۆڵ ئان سوسی ڕۆڵی دەنگی گێڕدرا) لە ڕێگەی هاوارکردن لە ژوورێکەوە بۆ ژوورێکی تر. لەگەڵ کەسایەتییەکانی تردا هەر بەم شێوەیە مامەڵە دەکات. ئەو وینە بڵاوەکەی دایکێکی جوولەکە دەداتەوە، وەک نازدانە زیادەکەی بە هاورد یان هەستپێکردنی بە تاوان کاتێک هاورد کێشەی بۆ دروست دەکات. ئەو پشت بە هاورد دەبەستێت، کاتێک بەیانیان داوای یارمەتی لێ دەکات بۆ قژە دەستکردەکەی و مکیاجەکەی. هاورد، بەڕۆڵی خۆی، بە دایکییەوە خۆی بەستۆتەوە، تا ئەو ڕادەی گۆشتی بۆ لەت دەکات، بۆ لای پزیشکی ددان دەیبات، جلەکانی بۆ دەشوات و «سزا»ی دەدات کاتێک بۆ ماوەیەک لە دەرەوە دەمێنێتەوە. تا هاوسەرگیری هاورد لەگەڵ بێرنەدەیت لە کۆتایی وەرزی پێنجەمدا، وای لە دایکی نێۆنارد کە پزیشکێکی دەروونی بوو کرد پێشبینی ئەوە بکات جۆرێک لە نەخۆشی هەبێت، و شێڵدۆن پەیوەندییەکەی ئەو دووانە بە ئۆدیپ ناو دەبات. لە وەرزی ٨دا، دایکی هاورد لە کاتی خەتنیدا دەمرێت، کە هاورد و ستیوارد لەناودەبات، کە بۆ ماوەیەک لەگەڵ دایکی هاورددا دەژیا.

ئەسانسۆری بینای شوقەکەیان

لەو بینایەی شێڵدۆن و لێۆنارد و پێنی (دواتر ئەیمی) دەژین، ئەسانسۆرەکە بە درێژایی زۆربەی زنجیرەکە ئیشی نەدەکرد، و کەسایەتییەکانی ناچار دەکرد قادرمە بەکاربهێنن. گوفتوگۆ لە نێوان کەسایەتییەکاندا لە کاتی قادرمەکاندا نزیکەی هەموو ئەڵقەکان ڕوو دەدات، زۆربەی کات وەک گواستنەوە لە نێوان دیمەنە درێژەکان خزمەت دەکات. لە ئەڵقەی وەرزی سێیەم «جێبەجێکردنی قادرمە»دا ئەوە دەرخرا کە ئەسانسۆرەکە لە کاتی جێبەجێکردنی لێۆنارد تاقیکردنەوە لەگەڵ سووتەمەنی ساروخ شکا. لە ئەڵقەی پێش کۆتایی زنجیرەکە، ئەسانۆرەکە دەست بە ئیش دەکاتەوە، کە شێڵدۆن تووشی هەندێک دوودڵی دەکات، تا ئەوەی بۆ دەرکەوت کە ئەسانسۆرێکی چاککراو واتە «حاڵەتی کوۆ».

لۆگۆی بەرهەمهێنان

وەک زۆربەی ئەو نمایشانەی لەلایەن چەک لۆری دروستکراوە، بیردۆزی تەقینەوە گەورەکە بە بە یەک چرکە پیشاندانی لۆگۆیەک لۆری خۆی دوای بینینی ڕەخنەکان نووسیویەتی تەواو دەبێت، بە دوایدا لۆگۆی داخستنی تەلەڤیزیۆنی واڕنەر بڕازەرز دێت. ئەم لۆگۆیانە لەسەر ماڵپەڕی ئینتەرنێتی لۆری ئەرشیفکراوە. کۆتا لۆگۆی زنجیرەکە بە کورتێکی دەخوێنرێتەوە بە «کۆتایی».

 

پێشوازی ڕەخنەگران

لەگەڵ ئەوەی پێشوازیکردنی نێودەوڵەتی تێکەڵبوو، نمایشەکە بەردەوامبوو لە وەرگرتنی پێشوازی ئەرێنییانە. کۆکراوەی بەسەرداچوونەوەی ڕاتن تۆمەیتۆز ڕایگەیاند لە ٨١٪ ڕەزامەندیان لە ڕەخنەگرانەوە وەرگرتووە. لەسەر مێتاکریتیک، زنجیرەکە بووە خاوەنی ٦١ لە ١٠٠، کە لەسەر ٢٧ بەسەرداچوونەوە لە ڕەخنەگرانەوە ئامادەکراوە، و بە گشتی بەسەرداچوونەوەیەکی ئەرێنییە. لە ٢٠١٣دا، تیڤی گاید زنجیرەکەی بە #٥٢ لە لیستەکەی بۆ باشترین زنجیرەکانی مێژوو نرخاند.

• وێبگەی فەرمی  
• The Big Bang Theory لە بنکەدراوەی ئینتەرنێتیی فیلمەکان
• The Big Bang Theory لە ڕاتن تۆمەیتۆز

•  دەروازەی فیلم
•  دەروازەی زانست
•  دەروازەی گەردوون