శ్వేత సౌధం (English: White House వైట్ హౌస్) అమెరికా అధ్యక్షుని నివాసం.
వాషింగ్టన్ డీసీలో ఉంది. దీన్ని నిర్మించి ఇప్పటికి 210 ఏళ్లయింది. ఇన్నేళ్ల చరిత్రలోనూ ఇదొకసారి శత్రు సైనికుల దాడికి ధ్వంసమైంది. అగ్నిప్రమాదం, వరదలు ఎదుర్కొంది. దీని నిర్వహణకు ఏటా అయ్యే ఖర్చు సుమారు ఆరు వందల కోట్ల రూపాయలు.
ప్రస్తుతం వైట్హౌస్ అని వ్యవహరించబడుతున్నప్పటికీ, దాన్ని కట్టాక వందేళ్లకి కానీ ఆ పేరు ఏర్పడలేదు. అంతకు ముందు ప్రెసిడెంట్స్ ప్యాలస్ అని, ఎగ్జిక్యూటివ్ మాన్షన్ అనిరకరకాలుగా వ్యవహరించేవారు. ఓసారి ఇది కాలిపోయినప్పుడు మరమ్మతుల కోసం తెల్లరంగు వేశారు. అప్పట్నుంచి వైట్హౌస్ అనేవారు. అధికారికంగా మాత్రం 1901లో అప్పటి అధ్యక్షుడు థియోడర్ రూజ్వెల్ట్ ఆ పేరును వాడడం మొదలుపెట్టారు.
ఆరు అంతస్తులుగల ఈ భవనం ఉన్న స్థలం కంచెతో కలిపి మొత్తం 18 ఎకరాలు. భవనం లోపల నిర్మాణస్థలం 55,000 చదరపు అడుగులు. ఉగ్రవాదుల భయంతో ఇప్పుడు అనుమతించడం లేదు. అంతకు మునుపు రోజూ దీన్నీ చూడ్డానికి ఆరువేల మంది వచ్చేవారు.
వైట్హౌస్ నిర్మాణాన్ని 1792లో మొదలు పెట్టి ఎనిమిదేళ్ల పాటు కొనసాగించారు. అమెరికా తొలి అధ్యక్షుడైన జార్జి వాషింగ్టన్ ఎంపిక చేసిన స్థలంలో కట్టడం మొదలుపెడితే రెండో అధ్యక్షుడైన జాన్ ఆడమ్స్ హయాంలో 1800లో పూర్తయింది. దీని నిర్మాణానికి అప్పట్లో సుమారు 13 కోట్ల రూపాయలు ఖర్చు అయింది. తర్వాత ఒకో అధ్యక్షుడుఒకో రకమైన మార్పులు చేస్తూ వచ్చారు. ఇప్పటి అధ్యక్షుడు ఒబామా కొత్తగా ఆర్గానిక్ తోటని నాటించి, అందులో తేనెటీగల పెంపకాన్ని చేపడుతున్నారు.
అమెరికా అధ్యక్ష భవనం వైట్హౌస్ అద్దె విలువ నెలకు సుమారు రూ.110 కోట్లు అని అంచనా. అప్పటి అధ్యక్షుడు బరాక్ ఒబామా ఒకవేళ అద్దె చెల్లించాల్సిన పరిస్థితే వస్తే, ఆరు నెలలకు మించి ఆయన దానిని భరించే పరిస్థితి లేదంటూ ‘న్యూయార్క్ డెయిలీ’ దినపత్రిక ఆసక్తికరమైన కథనాన్ని ప్రచురించింది. దీని ప్రకారం... సువిశాలమైన వైట్హౌస్ విస్తీర్ణం 55 వేల చదరపు అడుగులు కాగా, ఇందులో 132 గదులు ఉన్నాయి. 2013 ఆగస్టు ధరల ప్రకారం దీని అద్దె విలువ నెలకు రూ.110 కోట్లకు (18 లక్షల డాలర్లు) పైమాటే. ఇంతటి విస్తీర్ణంలో నిర్మించిన భవనానికి ఏటా రూ.66.75 లక్షలు (1.09 లక్షల డాలర్లు) పన్ను చెల్లించాల్సి ఉంటుంది. అయితే, అప్పటి అధ్యక్షుడు బరాక్ ఒబామా నికర విలువ రూ.74.7 కోట్లు (12.2 లక్షల డాలర్లు) మాత్రమే. ఆయన వార్షికాదాయం రూ.24.4 కోట్లు (4 లక్షల డాలర్లు).
This article uses material from the Wikipedia తెలుగు article శ్వేత సౌధం, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.