La Blianche Maîson ( Blianche Maîson) est la maîson et l'office du Président d's Êtats Unnis.
Ch't' articl'ye fut c'menchie en Jèrriais |
S'n adresse est 1600 Pennsylvania Avenue NW à Washington, DC.
Ch'fut George Washington, preunmié Président, tchi chouaîsit la bouonne pliaiche pouor la maîson, auve l'architecte d'la capitale, Pièrre L'Enfant. Mais ch'fut un architecte Irlandais-Améthitchain, James Hoban, tchi pliannit l'bâtisse s'lon lé design dé Leinster House à Dublîn (tch'est achteu l'bâtisse du parlément Irlandais).
La preunmié pièrre fut pliaichie au mais d'Octobre 1792 mais l'preunmié président Améthitchain à y d'meuther 'tait John Adams. Lé bâtisse fut formellement app'lé la Blianche Maîson par l'Président Théodore Roosevelt ouaithe qué l'nom eûsse 'té fait sèrvi d'pis les preunmiéthes années du bâtisse.
La maîson fut brûlée en 1814 duthant eune dgèrre Britannique-Améthitchaine et a 'té r'bâtie et amendée bein des fais d'pis. Duthant l'20e siècl'ye, deux ailes fûtent ajouôtées pouor des offices pouor les clèrcots d'l'adminnistration. Lé Président, li, travâle dans l'Office Ovale.
Dans la Blianche Maîson y'a 132 appartéments, 6 êtages, 412 portes, 147 f'nêt's, 8 montées, et 3 ascenseurs.
This article uses material from the Wikipedia Nouormand/Normaund article Blianche Maîson, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.