Старыя Дарогі: горад у Беларусі

Стары́я Даро́гі — места ў Беларусі, на рацэ Салянцы.

Адміністрацыйны цэнтар Старадароскага раёну Менскай вобласьці. Плошча 6,36 км². Насельніцтва на 2018 год — 10 406 чалавек. Знаходзяцца за 148 км на паўднёвы ўсход ад Менску; на аўтамабільнай дарозе Бабруйск — Слуцак. Чыгуначная станцыя на лініі Баранавічы — Асіпавічы.

Старыя Дарогі
лац. Staryja Darohi
Агульны выгляд
Агульны выгляд
Старыя Дарогі: Гісторыя, Насельніцтва, Эканоміка Старыя Дарогі: Гісторыя, Насельніцтва, Эканоміка
Герб Старых Дарог Сьцяг Старых Дарог
Першыя згадкі: 1524
Горад з: 1938
Былая назва: Дарогі
Краіна: Беларусь
Вобласьць: Менская
Раён: Старадароскі
Плошча: 6,97 км² 
Насельніцтва (2018)
колькасьць: 10 406 чал.
шчыльнасьць: 1492,97 чал./км²
Часавы пас: UTC+3
Тэлефонны код: +375 1792
Паштовы індэкс: 222910
СААТА: 6252501000
Нумарны знак: 5
Геаграфічныя каардынаты: 53°2′22″ пн. ш. 28°15′54″ у. д. / 53.03944° пн. ш. 28.265° у. д. / 53.03944; 28.265 28°15′54″ у. д. / 53.03944° пн. ш. 28.265° у. д. / 53.03944; 28.265
Старыя Дарогі на мапе Беларусі ±
Старыя Дарогі
Старыя Дарогі
Старыя Дарогі
Старыя Дарогі
Старыя Дарогі
Старыя Дарогі
Старыя Дарогі: Гісторыя, Насельніцтва, Эканоміка Галерэя здымкаў у Вікісховішчы

Старыя Дарогі — даўняе мястэчка гістарычнай Случчыны.

Гісторыя

Вялікае Княства Літоўскае

Першы пісьмовы ўпамін пра сяло Дарогі ў складзе Глускай воласьці Слуцкага княства датуецца 1524 годам.

Пад 1582 годам Дарогі ўпамінаюцца як мястэчка на Слуцка-Бабруйскім гасьцінцы. У сярэдзіне XVII ст. Дарогі сталі цэнтрам воласьці. На 1647 год у мястэчку было 95 дамоў. У вайну Маскоўскай дзяржавы з Рэччу Паспалітай (1654—1667) Дарогі значна пацярпелі ад маскоўскіх захопнікаў. На 1668 год тут засталося 34 двары, 3 вуліцы, сядзібы з жылымі і гаспадарчымі пабудовамі.

У канцы XVII ст. за 6 км на ўсход зьявілася яшчэ адно паселішча Дарогі і мястэчка пачалі зваць Старымі Дарогамі. У 1695—1744 гадох Старыя Дарогі знаходзілася ў ліку Нойбурскіх маёнткаў. У 1791 годзе мястэчка ўвайшло ў склад Случарэцкага павету.

Пад уладай Расейскай імпэрыі

У выніку другога падзелу Рэчы Паспалітай (1793 год) Старыя Дарогі апынуліся ў складзе Расейскай імпэрыі, у Бабруйскім павеце. Статус паселішча панізілі да вёскі, якая з 1828 году знаходзілася ў валоданьні Вітгенштэйнаў. У 1846 годзе Старыя Дарогі перайшлі ў дзяржаўны скарб. На 1886 год тут было 40 двароў, паштовая станцыя. У 1896 годзе за 2 км на захад ад вёскі збудавалі станцыю на вузкакалейнай чыгунцы мясцовага значэньня Асіпавічы — Старыя Дарогі, якую ў 1915 годзе падоўжылі да Слуцку. Чыгункай на Асіпавічы вывозілі лесаматэрыялы. Вакол новай станцыі паступова сфармавалася новае паселішча, якое дала пачатак сучаснаму месту. У 1897 годзе ў Старых Дарогах працавалі лесапільны і фанэрны заводы. У 1914 годзе тут адкрылася народная вучэльня.

За часамі Першай сусьветнай вайны ў лютым 1918 году Старыя Дарогі занялі войскі Нямецкай імпэрыі.

Найноўшы час

25 сакавіка 1918 году згодна з Трэцяй Устаўной граматай Старыя Дарогі абвяшчаліся часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі яны ўвайшлі ў склад Беларускай ССР. З 20 жніўня 1919 да ліпеня 1920 году Старыя Дарогі кантралявалі польскія войскі. У 1921 годзе вёска стала цэнтрам Новадароскай воласьці, 17 ліпеня 1924 году — Старадароскага раёну Слуцкай акругі (25 сьнежня 1962 — 30 ліпеня 1966 году ўваходзілі ў склад Слуцкага раёну). З 9 чэрвеня 1927 да 26 ліпеня 1930 году вёска знаходзілася ў Бабруйскай акрузе. 3 ліпеня 1925 году Старыя Дарогі зноў атрымалі статус мястэчка. На 1933 год тут працавалі электрастанцыя, лесапільня «Пралетары» і цагельня. 20 лютага 1938 году Старыя Дарогі ўвайшлі ў склад Менскай вобласьці, а 27 верасьня таго ж году атрымалі статус места. У Другую сусьветную вайну з 28 чэрвеня 1941 да 28 чэрвеня 1944 году места знаходзілася пад акупацыяй Трэцяга Райху.

У сьнежні 1992 году ў горадзе разьмяшчаецца 8-ы полк радыяцыйнай, хімічнай і біялягічнай абароны, які зь 1 верасьня 2014 году пераўтварылі ў брыгаду.

28 красавіка 1996 году Старыя Дарогі атрымалі мескі герб. 10 ліпеня 2001 году ў месьце адкрыўся Палац культуры. 24 лістапада 2007 году на тэрыторыі прыватнага музэю адбылося ўрачыстае адкрыцьцё першага ў Беларусі помніка ўдзельнікам Слуцкага збройнага чыну.

Насельніцтва

Дэмаграфія

Старыя Дарогі: Гісторыя, Насельніцтва, Эканоміка
  • XIX стагодзьдзе: 1886 год — 271 чал.; 1897 год — больш за 2 тыс. чал.
  • XX стагодзьдзе: 1917 год — 1996 чал.; 1926 год — 1,8 тыс. чал.; 1933 год — 2,3 тыс. чал.; 1939 год — 4,2 тыс. чал.; 1991 год — 11,5 тыс. чал.; 1994 год — 11,6 тыс. чал.; 2000 год — 11 813 чал.
  • XXI стагодзьдзе: 2001 год — 12,1 тыс. чал.; 2006 год — 11,4 тыс. чал.; 2009 год — 11 036 чал. (перапіс); 2013 год — 10 300 чал.; 2016 год — 10 425 чал.; 2017 год — 10 468 чал.; 2018 год — 10 406 чал.

Адукацыя

У Старых Дарогах працуюць 4 сярэднія, спартовая школы, школа мастацтваў, дзіцячы дом, 6 дашкольных установаў.

Мэдыцына

Мэдычнае абслугоўваньне насельніцтва ажыцьцяўляюць мескія лякарня і паліклініка.

Культура

Дзейнічаюць 2 бібліятэкі, дом культуры, народны драматычны тэатар.

Эканоміка

Прадпрыемствы харчовай, лёгкай прамысловасьці.

Апроч таго, працуюць хлебазавод, пладова-агароднінны і мэханічны заводы, цэх безалькагольных напояў, швацкая фабрыка, лясная гаспадарка, будаўнічыя арганізацыі.

Турыстычная інфармацыя

Інфраструктура

Дзейнічаюць прыватны музэй Анатоля Белага і Старадароскі мастацкі музэй. Спыніцца можна ў гасьцініцы «Старыя Дарогі».

Славутасьці

  • Воданапорная вежа (пач XX ст.)
  • Лядоўня (2-я пал. ХІХ)
  • Могілкі юдэйскія
  • Паштовая станцыя (2-я пал. ХІХ ст.)
  • Чыгуначная гаспадарчая пабудова (пач. XX ст.)

Страчаная спадчына

У 1920-я гады ў Старых Дарогах існавалі царква, касьцёл, сынагога і некалькі малітоўных дамоў.

Войска

На 2022 год у Старых Дарогах месьцілася 288-я база рэзэрву аўтамабіляў Узброеных сілаў Беларусі.

Галерэя

Асобы

Крыніцы

Літаратура

Вонкавыя спасылкі

Tags:

Старыя Дарогі ГісторыяСтарыя Дарогі НасельніцтваСтарыя Дарогі ЭканомікаСтарыя Дарогі Турыстычная інфармацыяСтарыя Дарогі ВойскаСтарыя Дарогі ГалерэяСтарыя Дарогі АсобыСтарыя Дарогі КрыніцыСтарыя Дарогі ЛітаратураСтарыя Дарогі Вонкавыя спасылкіСтарыя ДарогіАсіпавічыБабруйскБаранавічыБеларусьГорадМенскМенская вобласьцьСалянка (рака)СлуцакСтарадароскі раён

🔥 Trending searches on Wiki Беларуская (тарашкевіца):

ВіцебскМаскваБісэксуальная парнаграфіяГраўжышкіСьпіс гарадоў БеларусіСустрэча на ЭльбеVPNСакГенадзь Валер’евіч ШутаўКобрыньКругаварот рэчываў у біясфэрыЭдуард ВаласевічТэхналёгіяУльтрафіялетавае выпраменьваньнеКадышэвічыМобі ДыкГарадніца (Горадня)2024@Каўкаскі ЭміратКарлес ПудждэмонАпэрацыйная сыстэмаСельская гаспадарка БеларусіСьвятлана АлексіевічПалестынцыСпадарожнікі СатурнаАлесь АркушЎМарыя МартысевічЛВасіль ІгнаценкаБеларускі клясычны правапісРуслан ВусаўРадзівілыБеларуская ВікіпэдыяПарыжАляксандар МарозКанстытуцыя ССРБ 1919 годуШпакУладзімер Аляксеевіч АрлоўФранцыяЛетувізацыяНа ростаняхБіскупМаркёрАлесь РазанаўДойлідШатПортуСядзібаСяржук Сокалаў-ВоюшГомельПарнафільмПаўднёва-Ўсходняя АзіяЛацінская моваТаксіБлогБеларускі нацыянальны стройСельская гаспадаркаМаркетынгСказЖанчына зьверхуПрыродны газЛабак (Тэхас)АўкштотаВіктар КарамазаўКрывічыАркаЭнэргія🡆 More