Тэлефо́нны плян нумара́цыі Белару́сі — парадак разьмеркаваньня і замацаваньня нумарацыі за сеткамі электрасувязі агульнага карыстаньня ў Беларусі.
Паводле Закону Рэспублікі Беларусь ад 2005 году «Аб электрасувязі», Міністэрства сувязі і інфарматызацыі Рэспублікі Беларусь ажыцьцяўляе вызначэньне патрабаваньняў да нумарацыі сетак электрасувязі, а таксама «вылучэньне і зьняцьце рэсурсу нумарацыі». Згодна з 16-м артыкулам Закону вылучэньне, выкарыстаньне і зняцьце рэсурсу нумарацыі ажыцьцяўляецца «ў адпаведнасьці з сыстэмай і плянам нумарацыі сеткі электрасувязі агульнага карыстаньня, зацьверджанымі Саветам міністраў Рэспублікі Беларусь». Пры гэтым «прынамсі 10 % абсягу рэсурса нумарацыі прызначаецца для забесьпячэньня патрэбаў дзяржаўнага кіраваньня, нацыянальнай бясьпекі, абароны, ахова правапарадку і стварэньня экстраных службаў». Групай стандартызацыі Міжнароднага саюза электрасувязі 5 сьнежня 1994 году Рэспубліцы Беларусь быў вылучаны міжнародны тэлефонны код 375. Рашэньнем Міністэрства сувязі Рэспублікі Беларусь код быў упершыню ўведзены ў дзеяньне 16 красавіка 1995 году.
Для ўсіх немясцовых тэлефонных званкоў патрабуецца набраць 8, дачакацца гудка (выключэньне складаюць пэўныя лічбавыя АТС), пасьля чаго набраць 0 для злучэньня ўнутры краіны і пры званках на мабільныя тэлефоны (выключэньне — званкі на нумары адмысловых сэрвісаў), альбо 10 для міжнародных тэлефанаваньняў
Код зоны складаецца з двух знакаў, затым ідзе ўнутрызонавы код населенага пункта (1 альбо 2 лічбы), затым — нумар тэлефона. Для Менску і Менскага раёну код гораду адсутнічае (нумары ў фармаце +375 17 xxx-xx-xx).
Сетка ISDN — лічбавая сетка з інтэгральным абслугоўваньнем — гэта сетка, якая забясьпечвае цалкам лічбачыя злучэньні паміж канцавымі прыладамі для падтрымкі шырокага спэктра моўных і інфармацыйных паслугаў.
Падчас набору нумароў у сетках мабільнай сувязі дзейнічаюць тыя ж правілы, што і ў сетках фіксаванай сувязі. У дадатак да гэтага:
This article uses material from the Wikipedia Беларуская (тарашкевіца) article Тэлефонны плян нумарацыі Беларусі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.